تال-داراق وتىرعىزۋ بٸر بٶلەك, ال ولاردى جەرسٸندٸرٸپ, جەتٸلدٸرۋ ٷلكەن جۇمىستى قاجەت ەتەتٸنٸ بەلگٸلٸ. وسى رەتتە, قالانىڭ جاسىل ەكپەسٸنە جاۋاپتى «جاسىل ارىس» مەكەمەسٸ اعاش كٶشەتەرٸن ٶسٸرۋدە تىڭ ەدٸستەر پايدالانۋدا. اتاپ ايتقاندا, مەكەمە قىزمەتكەرلەرٸ كٷز مەزگٸلٸندە قالادا ٶسٸپ تۇرعان اعاشتاردىڭ ۇرىقتارىن جينايدى, دەندەردٸ سۇرىپتايدى. سودان سوڭ, قالا اۋماعىندا ارنايى اشىلعان تۇقىمباققا ەگەدٸ.
نەتيجەسٸندە ارىستىڭ توپىراعى مەن كليماتىنا بەيٸمدەلگەن اعاش ۇرىقتارىنان الىنعان كٶشەتتەر جوعارى ٶسٸمدٸ كٶرسەتۋدە. مەسەلەن, بيىل ماۋسىم ايىنىڭ ورتاسىندا سەبٸلگەن دەننەن ٶنگەن قاراعاشتاردىڭ بويى قازٸر بٸر مەتردەن اسقان.
– سىرتتان, ياعني جىلى جاقتان ەكەلٸنگەن كٶشەتتەر ارىستىڭ كليماتىنا بەيٸمدەلۋٸ قيىن. سوندىقتان ٶتكەن جىلى جەرگٸلٸكتٸ اعاشتاردىڭ ۇرىقتارىن ٶسٸرۋدٸ قولعا الدىق. ولار 100 پايىز ٶسٸمدٸ كٶرسەتتٸ. قازٸرگٸ تاڭدا قالالىق تۇقىمباقتا 80 مىڭ كٶشەت ٶسٸپ تۇر. كٶكتەمگٸ اعاش وتىرعىزۋ ماۋسىمىنا ٶزٸمٸزدە ٶسٸرٸلگەن جاس كٶشەتتەر دايىن, – دەدٸ «جاسىل ارىس» كمم باسشىسى گٷلميرا باساروۆا.
ٶسٸرٸلٸپ جاتقان كٶشەتتەردٸڭ تٷرلەرٸ دە ەر الۋان. قاراپايىم قاراعاشتان بٶلەك, ٷيەڭكٸ, شاعان, بوزارشا, قارامالا (گلەديچييا), جيدە بار.
«جاسىلارىستىقتار» كەلەسٸ جىلى قالادا ٶسٸپ-ٶنگەن الما, سارى ٶرٸك تاعى دا باسقا جەمٸس اعاشتارىن دا ٶسٸرۋدٸ جوسپارلاپ وتىر.
بٷگٸنگٸ تاڭدا, شاھاردىڭ ٸشكٸ كٶشەلەرٸنەن بٶلەك, كٸرە بەرٸس كٷرە جولدار: ارىس-شىمكەنت, ارىس-شاردارا تاس جولى بويىندا 3-4 قاتاردان تۇراتىن اعاشتار وتىرعىزىلىپ, ولاردىڭ 85 پايىزى تامىر جايىپ تۇر. بارلىعى تامشىلاتىپ سۋعارۋ جٷيەسٸنە قوسىلىپ, جاسىل شارباقتارمەن قورشالعان.
