تۇركىستان وبلىسى اكىمى ءومىرزاق شوكەيەۆتىڭ توراعالىعىمەن ارىس قالاسى اكىمدىگىنىڭ ءماجىلىس زالىندا شاھاردى توتەنشە جاعدايدان كەيىن قالپىنا كەلتىرۋ جۇمىستارىن اياقتاۋ بويىنشا اپپاراتتىق جيىن ءوتتى. باسقوسۋعا سەكتورلارعا جاۋاپتى بارلىق وبلىس اكىمدىگىنىڭ وكىلدەرى، تۇركىستان وبلىستىق باسقارما باسشىلارى مەن اۋداندىق اكىمدىك ماماندارى قاتىستى.

جيىندا وبلىس اكىمىنىڭ كەڭەسشىسى ۇلاسبەك سادىبەكوۆ ارىس قالاسىن قالپىنا كەلتىرۋ جانە جەرگىلىكتى تۇرعىنداردى الەۋمەتتىك قولداۋ بويىنشا تولىققاندى جۇمىستار جۇرگىزىلىپ جاتقاندىعىن جەتكىزدى.

– قازىرگى تاڭدا جۇمىسى ءساتتى اياقتالعان اتىراۋ، پاۆلودار، جامبىل، ماڭعىستاۋ، قاراعاندى، قىزىلوردا سەكتورلارىندا ارنايى شارالار وتكىزىلدى. وندا ۇزدىك قۇرىلىسشىلار، اكىمدىك قىزمەتكەرلەرى، بەلسەندىلەر ارنايى العىس حاتتارمەن ماراپاتتالدى. سونداي-اق، كۇندەلىكتى سەكتورلاردى ارالاۋ، نارازى تۇرعىندارمەن كەزدەسۋلەر ءوتىپ، ەكىجاقتى كەلىسسوزدەر جۇرگىزىلۋدە. ماسەلەن، وتكەن اپتادا 16 ماسەلەلى نىسان انىقتالعان بولاتىن. ءتيىستى جۇمىستاردى جۇرگىزۋدىڭ ناتيجەسىندە 1 اپتانىڭ ىشىندە 6 پروبلەمالىق نىساندار شەشىمىن تاپتى. الداعى ۋاقىتتا بۇل جۇمىستار جوسپارعا ساي جالعاسىن تابا بەرەدى، – دەدى ۇلاسبەك سادىبەك ۇلى.
سونداي-اق، كەزدەسۋدە تۇركىستان وبلىسى قۇرىلىس باسقارماسىنىڭ باسشىسى ەربول احمەتوۆ ارىس قالاسىنداعى قۇرىلىس-جوندەۋ جۇمىستارى جايىندا بايانداما جاسادى.
– ارىس قالاسىندا ورنالاسقان 7،8،9،10 جانە 11ء-شى سەكتورلاردا جالپى زاقىمدالعان 2975 ءۇي بار. ونىڭ ىشىندە، جوندەۋدى قاجەت ەتەتىن 2568 جەكە جانە 73 كوپقاباتتى تۇرعىن ۇيلەر، سونىمەن قاتار، جاڭادان سالىنىپ جاتقان 334 ءۇي. بۇگىنگى كۇنگە وسى سەكتورلاردا 94 مەردىگەر كومپانيا، 180 تەحنيكا جانە 2505 جۇمىسشى جۇمىلدىرىلعان. تۇركىستان وبلىسىنا تيەسىلى 7-سەكتوردا زاقىمدالعان 478 ءۇي ورنالاسقان. بۇگىنگى كۇنگە جوندەۋدى قاجەت ەتەتىن جەكە جانە كوپقاباتتى تۇرعىن ۇيلەردە جۇمىستار اياقتالدى. جاڭادان قۇرىلىسى جۇرگىزىلىپ جاتقان 100 ءۇيدىڭ بارىندە ءتيىستى جۇمىستار جۇرگىزىلۋدە، – دەدى ول.
سونىمەن قاتار، شىعىس قازاقستان وبلىسىنا قاراستى 8-سەكتوردا زاقىمدالعان 537 ءۇي بار. جوندەۋدى قاجەت ەتەتىن 5 ءۇيدىڭ سىرتقى جانە ىشكى ارلەۋ جۇمىستارى جۇرگىزىلۋدە. جاڭادان قۇرىلىسى جۇرگىزىلىپ جاتقان 5 ءۇيدىڭ بارىندە ءتيىستى جۇمىستار اتقارىلۋدا، 20-قىركۇيەكتە پايدالانۋعا تاپسىرۋ جوسپارلانعان. ال نۇر-سۇلتان قالاسىنىڭ 9-سەكتورىندا 696 ءۇي بار. بۇگىنگى كۇنگە جوندەۋدى قاجەت ەتەتىن 249 جەكە جانە 31 كوپقاباتتى ءۇيدىڭ سىرتقى جانە ىشكى ارلەۋ جۇمىستارى جۇرگىزىلۋدە. جاڭادان قۇرىلىسى جۇرگىزىلىپ جاتقان 160 ءۇيدىڭ كىرپىشىن قالاۋ جۇمىستارى جۇرگىزىلۋدە. اعىمداعى جىلدىڭ 20-قىركۇيەگىندە سەكتورداعى بارلىق ۇيلەردى پايدالانۋعا تاپسىرۋ جوسپارلانۋدا.
سونداي-اق، شىمكەنت قالاسىنا تيەسىلى 10-سەكتوردا – 636 ءۇي ورنالاسقان. بۇگىنگى كۇنگە جوندەۋدى قاجەت ەتەتىن 10 ءۇيدىڭ سىرتقى جانە ىشكى ارلەۋ جۇمىستارى بار. جاڭادان قۇرىلىسى جۇرگىزىلىپ جاتقان 56 ءۇيدىڭ 4ء-ى ءۇيى پايدالانۋعا تاپسىرىلىپ، قالعان ۇيلەردە كىرپىش قالاۋ جۇمىستارى جۇرگىزىلۋدە. ال باتىس قازاقستان وبلىسىنا تيەسىلى 11-سەكتوردا 627 ءۇي بار. بۇگىنگى كۇنگە جوندەۋدى قاجەت ەتەتىن جەكە جانە كوپقاباتتى تۇرعىن ۇيلەردە جۇمىستار اياقتالعان. جاڭادان قۇرىلىسى جۇرگىزىلىپ جاتقان 13 ءۇيدىڭ 4ء-ى پايدالانۋعا تاپسىرىلىپ، قالعان ۇيلەردىڭ بارىندە كىرپىش قالاۋ جۇمىستارى جۇرگىزىلۋدە. اعىمداعى جىلدىڭ 20-قىركۇيەگىندە بارلىق ۇيلەردى پايدالانۋعا تاپسىرۋ جوسپارلانعان.
جيىندى قورىتقان تۇركىستان وبلىسىنىڭ اكىمى ءومىرزاق شوكەيەۆ بارلىق سەكتور جاۋاپتىلارىنا قۇرىلىس جۇمىستارىن ۋاقىتىندا اياقتاۋ قاجەتتىگىن نىقتاپ تاپسىردى.



تۇركىستان وبلىسى اكىمىنىڭ باسپا ءسوز قىزمەتءى