سونىمەن بٸرگە قاجەتتٸ جيھازدارمەن جابدىقتالعان تۇز شاحتاسى, سەنسورلىق بٶلمە, ينتەرنەت-كافە, يوگا, ٷستەل تەننيسٸ, بيليارد, شاحمات, دويبى ويىندارى ايماقتارى مەن كٸتاپحانا قىزمەتٸن ۇسىنادى. زاماناۋي ٷلگٸدە جابدىقتالعان, ەلٸمٸزدە تەڭدەسٸ جوق ارداگەرلەر ٷيٸنٸڭ اشىلۋ سالتاناتىنا تٷركٸستان وبلىسىنىڭ ەكٸمٸ ٶمٸرزاق شٶكەەۆ قاتىسىپ, قارييالاردىڭ قۋانىشىنا ورتاقتاستى.
– سانادان ەشقاشان ٶشپەيتٸن ۇلى ەرلٸك, بٷگٸنگٸ تىنىشتىق بەسٸگٸن تەربەتكەن جەڭٸمپاز جاستاردىڭ قايراتىن جانىپ, بەكەمدٸگٸن بەكٸتە تٷسەتٸندەي. اتالار ايبىنى – ٸزباسارلارعا امانات! ۇرپاقتار ساباقتاستىعىن ۇمىتپاي ەسكە سالىپ وتىراتىن وسى بٸر قوس قۋانىش بارشامىز ٷشٸن دە وسىنىسىمەن قۇندى. ارداگەرلەرٸمٸز امان, جاستارىمىز وتانشىل بولسىن! ارىستىق ارداگەرلەر ٷشٸن جاسالعان وسىنداي يگٸ باستاما, ٷلگٸ بولار ٸس ەرٸ قاراي ٶزگە ايماقتاردا جالعاسىن تابادى دەپ سەنەمٸن, – دەدٸ وبلىس ەكٸمٸ ٶمٸرزاق شٶكەەۆ.
ەسەم عيماراتتا قارتتاردىڭ باس قوسىپ, جيىن ٶتكٸزۋلەرٸنە, تىنىعىپ, شىعارماشىلىقپەن اينالىسۋى ٷشٸن بارلىق جاعدايلار جاسالعان. تەراپەۆت دەرٸگەرٸ مەن ەمدٸك ماسساج بٶلٸمٸ جۇمىس ٸستەيدٸ. ارىس قالاسىنداعى 6 مىڭنان استام ارداگەر ٷشٸن بۇل ورتالىقتىڭ اشىلۋى ٷلكەن قۋانىش. سەبەبٸ بۇعان دەيٸن ارداگەرلەرگە ارنالعان مۇنداي ورىندار بولماعان. ايتا كەتۋ كەرەك, ەكٸ قاباتتان تۇراتىن ارداگەرلەر ورتالىعى عيماراتىنىڭ بٸر بٶلٸگٸ "نەكە سارايى" رەتٸندە ٶز جۇمىسىن باستادى. وبلىس ەكٸمٸ اقساقالدارمەن جٷزدەسٸپ, ولاردى جەڭٸس كٷنٸمەن قۇتتىقتادى. شارا بارىسىندا سانيتارلىق تالاپتار قاتاڭ ساقتالدى.
وبلىس باسشىسى باسپانا كەزەگٸندە تۇرعان ازاماتتارعا ارنالىپ سالىنعان ارىستاعى كٶپقاباتتى تۇرعىن ٷيلەردٸ ارالاپ كٶردٸ. «كٶكتەم - 2» ىقشاماۋدانىنداعى جالپى اۋماعى 6 مىڭ شارشى مەتردٸ قۇرايتىن 36 پەتەرلٸك 3 قاباتتى ٷيلەردٸڭ قۇرىلىسى تولىق اياقتالعان. جاقىن كٷندەرٸ كوممۋنالدىق تۇرعىن ٷي كەزەگٸندە تۇرعان 100-دەن اسا وتباسىعا پەتەرلەر تابىستالادى. سونداي-اق, جىل سوڭىنا دەيٸن تاعى 240 ارىستىق وتباسى باسپانالى بولادى. بٷگٸندە مۇندا 4 بٸردەي كٶپقاباتتى ٷيدٸڭ قۇرىلىسى جٷرٸپ جاتىر.
