ۇلى جەڭىستىڭ 70-جىلدىعىنا وراي «بولاشاق» قاۋىمداستىعى مەن «الماتى-Resort» شيپاجايى بىرلەسە وتىرىپ، 15  ۇوس ارداگەرىنە جانە ەڭبەك مايدانىنىڭ قاتىسۋشىلارىنا ونكۇندىك شيپاجاي جولداماسىن تابىستادى. اتالمىش شارا 2012 جىلدان بەرى ىسكە اسىپ كەلە جاتقان «9م» جوباسىنىڭ اياسىندا 2015 جىلدىڭ اقپان ايىنان باستاپ قاراشا ايىنا دەيىن ۇيىمداستىرىلعان بولاتىن.

ارداگەرلەردىڭ ايتۋىنشا، بۇل ولاردىڭ جەڭىستىڭ 70-جىلدىعىنا وراي العان  سىيلىقتاردىڭ اراسىنداعى ەڭ كەرەمەتى جانە ەڭ پايدالىسى ەكەن. ولار جوبانى ۇيىمداستىرۋشىلارعا، ونىڭ ىشىندە «بولاشاق» قاۋىمداستىعى كەڭەسىنىڭ مۇشەسى – قانات توسەكبايەۆ مىرزاعا جانە دە شيپاجايدىڭ قازىرگى  پرەزيدەنتى تالعات تۇڭعىشبايەۆقا جوعارى ساناتتى دارىگەرلەردەن العان رەابيليتاسيالىق كومەك دەنساۋلىقتارىنىڭ وڭالۋىنا وڭ اسەر ەتكەنىن ايتىپ، العىستارىن ءبىلدىردى.

«9م» جوباسى 2012 جىلى «بولاشاق» قاۋىمداستىعى ۇوس ارداگەرلەرىنىڭ ەرلىكتەرىن ناسيحاتتاۋ جانە ۇلگى ەتۋ ماقساتىندا ۇيىمداستىرعان جوبا. ءار جىل سايىن جوبا اياسىندا ۇوس ارداگەرلەرىنە جانە ەڭبەك مايدانىنىڭ قاتىسۋشىلارىنا، اسىرەسە جالعىزباستى، مۇقتاج جاندارعا ماتەريالدىق جانە مەديسينالىق كومەكتەر كورسەتىلىپ وتىرادى. «9م» جوباسىن ءاردايىم ستيپەندياتتار مەن بەلسەندى جاستار قولداپ وتىرادى.