Uly jeńistiń 70-jyldyǵyna orai «Bolashaq» qaýymdastyǵy men «Almaty-Resort» shipajaiy birlese otyryp, 15 UOS ardagerine jáne eńbek maidanynyń qatysýshylaryna onkúndik shipajai joldamasyn tabystady. Atalmysh shara 2012 jyldan beri iske asyp kele jatqan «9M» jobasynyń aiasynda 2015 jyldyń aqpan aiynan bastap qarasha aiyna deiin uiymdastyrylǵan bolatyn.
Ardagerlerdiń aitýynsha, bul olardyń jeńistiń 70-jyldyǵyna orai alǵan syilyqtardyń arasyndaǵy eń keremeti jáne eń paidalysy eken. Olar jobany uiymdastyrýshylarǵa, onyń ishinde «Bolashaq» qaýymdastyǵy keńesiniń múshesi – Qanat Tósekbaev myrzaǵa jáne de shipajaidyń qazirgi prezidenti Talǵat Tuńǵyshbaevqa joǵary sanatty dárigerlerden alǵan reabilitatsiialyq kómek densaýlyqtarynyń ońalýyna oń áser etkenin aityp, alǵystaryn bildirdi.
«9M» jobasy 2012 jyly «Bolashaq» qaýymdastyǵy UOS ardagerleriniń erlikterin nasihattaý jáne úlgi etý maqsatynda uiymdastyrǵan joba. Ár jyl saiyn joba aiasynda UOS ardagerlerine jáne eńbek maidanynyń qatysýshylaryna, ásirese jalǵyzbasty, muqtaj jandarǵa materialdyq jáne meditsinalyq kómekter kórsetilip otyrady. «9M» jobasyn árdaiym stipendiattar men belsendi jastar qoldap otyrady.
Nurlan ÁÝBÁKIR
