قازاقستان ازاماتى اقجارقىن تۇرلىبايدىڭ قىتايدا قاماۋدا وتىرعانىنا ون جىلدان استام ۋاقىت ٶتتٸ. ول 2014 جىلدىڭ كٶكتەمٸندە گۋانچجوۋ ەۋەجايىندا ۇستالىپ, جٷگٸنەن 4,5 كەلٸ امفەتامين تابىلعاننان كەيٸن ايىپتالعان, دەپ حابارلايدى dalanews.kz.
قىتاي سوتى قازاقستاندىق ستۋدەنتكە ٶمٸر بويىنا باس بوستاندىعىنان ايىرۋ جازاسىن كەسكەن. الايدا قورعاۋشى تاراپ ونىڭ الدانعانىن جەنە حالىقارالىق ەسٸرتكٸ توبىنىڭ قۇربانى بولعانىن العا تارتادى.
ٸستٸڭ باستالۋى
اقجارقىن تۇرلىباي 1994 جىلى تٷركٸستان وبلىسى ماقتاارال اۋدانىندا دٷنيەگە كەلگەن. مەكتەپتٸ اياقتاعاننان كەيٸن پەداگوگيكالىق ۋنيۆەرسيتەتكە تٷسٸپ, الماتىعا قونىس اۋدارعان.
21 جاستاعى ستۋدەنت قۇربىسى دينارامەن بٸرگە تۇرعان. قۇربىسى قىتايدان كيٸم ەكەلٸپ ساتۋمەن اينالىسقان, ال اقجارقىن دا وسى ٸسكە قىزىعۋشىلىق تانىتىپ, 2014 جىلدىڭ ناۋرىز ايىندا قىتايعا العاش رەت ساپار شەككەن.
العاشقى ۋاقىتتا ول اتا-اناسىمەن بايلانىستا بولعانىمەن, كٶپ ۇزاماي حابار ٷزٸلٸپ, كەيٸن ونىڭ گۋانچجوۋ ەۋەجايىندا ەسٸرتكٸ تاسىمالدادى دەگەن كٷدٸكپەن ۇستالعانى بەلگٸلٸ بولدى.
چەمودانداعى جٷك
قورعاۋشىلاردىڭ ايتۋىنشا, نيگەرييا ازاماتى اديندۋ نونسو فورتۋنا اقجارقىنعا مالايزيياعا ەيەلدەر كيٸمٸ سالىنعان چەموداندى جەتكٸزۋدٸ ٶتٸنگەن. الايدا كەدەندٸك تەكسەرٸس كەزٸندە سول جٷكتەن 4,5 كەلٸ امفەتامين تابىلعان.
بويجەتكەن قاماۋعا الىنىپ, بٸر جىلدان كەيٸن سوت ٷكٸمٸمەن ٶمٸر بويىنا باس بوستاندىعىنان ايىرىلدى.
ايىپتى مويىندامايدى
اقجارقىن ٶز كٸنەسٸن مويىندامايدى. ول چەموداندا ەسٸرتكٸ بار ەكەنٸن بٸلمەگەنٸن ايتادى. ونىڭ ادۆوكاتى سۇڭقار نۇرماعامبەتوۆ تە ستۋدەنتتٸڭ حالىقارالىق ەسٸرتكٸ جەلٸسٸنٸڭ قۇربانى بولۋى مٷمكٸن ەكەنٸن مەلٸمدەگەن.
ۇقساس جاعدايلار باسقا تمد ەلدەرٸ ازاماتتارىندا دا تٸركەلگەنٸ ايتىلىپ, رەسەي ازاماتى مارييا داپيركانىڭ ٸسٸ مىسال رەتٸندە كەلتٸرٸلەدٸ.
ون جىلدان استام قاماۋدا
اقجارقىننىڭ وتباسى قورعاۋ جۇمىستارىنا جەنە ساپارلارعا كەتەتٸن شىعىندى ٶتەۋ ٷشٸن مٷلكٸن ساتۋعا مەجبٷر بولعان. اناسىنىڭ ايتۋىنشا, قىتاي تٷرمەسٸندە سوتتالعاندار كەيبٸر قىزمەتتەر ٷشٸن قوسىمشا اقى تٶلەيدٸ.
وسى جىلدار ٸشٸندە اقجارقىن قىتاي تٸلٸن مەڭگەرٸپ, تٷرمەدە يوگا جەنە اعىلشىن تٸلٸ ساباقتارىن ٶتكٸزگەنٸ دە ايتىلادى.
ەلگە قايتارۋ مەسەلەسٸ
قازاقستاندىق ديپلوماتتار مەن قورعاۋشىلار ەكستراديتسييا مەسەلەسٸن بٸرنەشە رەت كٶتەرگەنٸمەن, قىتاي تاراپى ٶمٸر بويىنا سوتتالعان تۇلعانى بەرۋدەن باس تارتىپ كەلەدٸ.
دەگەنمەن, ەگەر جازانىڭ تٷرٸ جەڭٸلدەتٸلسە, ونى قازاقستانعا اۋىستىرۋ مٷمكٸندٸگٸ تۋىنداۋى ىقتيمال. قر سىرتقى ٸستەر مينيسترلٸگٸ 2025 جىلى بۇل باعىتتا جۇمىس جالعاسىپ جاتقانىن حابارلاعان. قازٸر ٸس باس پروكۋراتۋرا قاراۋىندا.
سونىمەن قاتار, قازاقستان تاراپى ەسٸرتكٸ تاسىمالدادى دەگەن كٷدٸككە ٸلٸنگەن نيگەرييا ازاماتىن دا ەكستراديتسييالاۋ مەسەلەسٸن كٶتەرٸپ وتىر.
