قازاق ەدەبيەتٸ اۋىر قازاعا دۋشار بولدى. اقىن, اۋدارماشى, قازاقستاننىڭ مەدەنيەت قايراتكەرٸ, قازاقستان جازۋشىلار وداعىنىڭ مٷشەسٸ نۇرتاس يساباەۆ 72 جاسقا قاراعان شاعىندا دٷنيەدەن ٶتتٸ, دەپ حابارلايدى dalanews.kz.
نۇرتاس يساباەۆ 1954 جىلى 13 قاراشادا قىزىلوردا وبلىسى جاڭاقورعان اۋدانىندا دٷنيەگە كەلگەن. ول قازاقستان جازۋشىلار وداعى سىيلىعىنىڭ جەنە وراز جاندوسوۆ قورى سىيلىعىنىڭ لاۋرەاتى اتانعان. سونداي-اق قازاقستان رەسپۋبليكاسى مەدەنيەت جەنە اقپارات مينيسترلٸگٸنٸڭ «مەدەنيەت قايراتكەرٸ» تٶسبەلگٸسٸمەن ماراپاتتالعان.
قالامگەر قازاقستان رەسپۋبليكاسى پرەزيدەنتٸنٸڭ مەملەكەتتٸك ستيپەنديياسىنىڭ يەگەرٸ بولعان. سونىمەن قاتار ەدەبيەت پەن مەدەنيەت سالاسىنا سٸڭٸرگەن ەڭبەگٸ ٷشٸن «قۇرمەت» وردەنٸمەن ماراپاتتالعان.
نۇرتاس يساباەۆ ەڭبەك جولىن ورتا مەكتەپتٸ بٸتٸرگەننەن كەيٸن اۋداندىق گازەتتە كوررەكتور بولىپ باستاعان. كەيٸن مەسكەۋ قالاسىنداعى م.گوركيي اتىنداعى ەدەبيەت ينستيتۋتىندا بٸلٸم الىپ, ونى 1982 جىلى تەمامدادى.
اقىننىڭ العاشقى جىر جيناعى «باستاۋ» دەگەن اتاۋمەن 1980 جىلى جارىق كٶردٸ. ودان كەيٸن «ٶمٸردٸ سٷيۋ», «ۇلىلىقپەن سىرلاسۋ», «قيمايمىن سەنٸ», «ٶمٸرگە قۇشتارلىق» جەنە باسقا دا پوەزييالىق كٸتاپتارى وقىرمانعا جول تارتتى.
نۇرتاس يساباەۆتىڭ شىعارمالارى قازاق پوەزيياسىنداعى سىرشىلدىق, ٶمٸرگە قۇشتارلىق, ادام بولمىسى مەن رۋحاني ٸزدەنٸس تاقىرىپتارىمەن ەرەكشەلەندٸ. ونىڭ بٸرقاتار ٶلەڭدەرٸ ورىس تٸلٸندەگٸ «رازبەگ» اتتى ۇجىمدىق جيناققا ەنگەن.
قالامگەر اۋدارما سالاسىندا دا ٶنٸمدٸ ەڭبەك ەتتٸ. ول ورىس اقىنى الەكساندر تۆاردوۆسكييدٸڭ شىعارمالارىن قازاق تٸلٸنە اۋدارىپ, ۇلتتىق اۋدارما ٶنەرٸنٸڭ دامۋىنا ٷلەس قوستى.
قازاقستان جازۋشىلار وداعىنىڭ باسقارماسى مارقۇمنىڭ تۋعان-تۋىستارى مەن جاقىندارىنا, ەرٸپتەستەرٸ مەن وقىرمان قاۋىمعا قايعىرا كٶڭٸل ايتتى.
نۇرتاس يساباەۆتىڭ قازاق ەدەبيەتٸ مەن رۋحانيياتىنا قوسقان ەڭبەگٸ ەل ەسٸندە ساقتالادى.
