اقتٶبە وبلىسىندا «مانساپ» ورتالىقتارى ارقىلى جاڭا ماماندىقتى يگەرٸپ جاتقان ازاماتتار قاتارى ارتىپ كەلەدٸ.
اقتٶبە قالاسىنداعى «مانساپ» ورتالىعىنىڭ مامانى رايىمگٷل قوجانتاەۆانىڭ ايتۋىنشا, بيىل جۇمىسسىز رەتٸندە تٸركەلگەن 120 ادام تٷرلٸ ماماندىق بويىنشا كۋرستاردا وقىپ, جۇمىسقا ورنالاسادى.
– ەڭبەك نارىعىن دامىتۋدىڭ 2024-2029 جىلدارعا ارنالعان تۇجىرىمداماسى اياسىندا باستالعان جوبانىڭ ماقساتى – جۇمىسسىزداردى جۇمىسپەن قامتىپ, ولاردىڭ بٸلٸمٸن شىڭداۋ. كۋرسقا قابىلداۋ 23 سەۋٸردە باستالدى. بٷگٸندە شاشتاراز كۋرسىندا – 10, پٸشۋشٸ كۋرسىندا – 12, تٸگٸنشٸلٸك كۋرسىندا 9 ادام وقىپ جاتىر. بۇدان بٶلەك الداعى ۋاقىتتا جۇمىسسىزدارعا كونديتەر, اسپاز, سلەسار-سانتەحنيك كۋرستارى وقىتىلادى. مۇندا ىنتالى قاتىسۋشىلار تەورييالىق بٸلٸم الىپ, ٷيرەنگەنٸن تەجٸريبە جٷزٸندە پىسىقتايدى. كۋرستى اياقتاعانشا بٸلٸم الۋشىلارعا 43574 تەڭگە كٶلەمٸندە شەكٸرتاقى تٶلەنەدٸ. بىلتىر 160 ادام ەڭبەك نارىعىندا سۇرانىسقا يە ماماندىقتاردى يگەرٸپ شىقتى. ونىڭ 141-ٸ جۇمىسقا ورنالاسىپ, 39 ادام ٶز ەركٸمەن, ەرتٷرلٸ سەبەپپەن وقۋدى جالعاستىرۋدان باس تارتقان.
جۇمىسسىز قالا تۇرعىندارىن نەكراسوۆ كٶشەسٸ, 112 مەكەنجايىندا ورنالاسقان جۇمىسپەن قامتۋ ورتالىعىندا كٷتەمٸز. مۇندا جۇمىسسىزدارعا كەڭەس بەرٸلٸپ, ولار ماماندىعىنا قاراي كۋرس وقۋعا باعىتتالادى, – دەيدٸ ول.
وقىتۋ بولاشاق جۇمىس ورىندارىندا ٶتەدٸ. بولاشاق جۇمىس بەرۋشٸلەردٸڭ بٸرٸ – «ەسەت باتىر» تۇرعىن الابىنداعى سۇلۋلىق سالونىنىڭ يەسٸ مەدينا جالعاسباەۆا. ونىڭ سالونىندا اشىلعان «Beautymania» وقۋ ورتالىعىندا 10 جۇمىسسىز ەيەل شاشتاراز ماماندىعى بويىنشا بٸلٸم الادى.
كۋرستا وقىپ جاتقانداردىڭ بٸرٸ گاۋھار مۇساەۆا ەكٸنشٸ اي بويى ەرلەردٸڭ شاش قييۋ تەحنولوگيياسىن وقىپ, مەڭگەرۋگە تالپىنۋدا. ول كٷيەۋٸمەن بٸرگە التى بالا تەربيەلەپ وتىر.
– 13 سەۋٸردە «مانساپ» ورتالىعىنا جۇمىسسىز رەتٸندە تٸركەلدٸم. قازٸر بٸلٸكتٸ مامانداردان شاش قييۋدىڭ تٷرلٸ ەدٸستەرٸن ٷيرەنٸپ جاتىرمىن. بٸر قۋانتارلىعى, كۋرستى وقىپ بٸتٸرگەننەن كەيٸن سەن سالونىندا بٸر جىل كٶلەمٸندە ەڭبەك ەتە الامىز. ادامدار ٷنەمٸ شاشتارىن قيىپ, ٶزدەرٸنە كٷتٸم جاساپ جٷرەدٸ. سوندىقتان سۇرانىس ەرقاشان بولادى, ياعني ٶزٸمدٸ دە, وتباسىمدى دا قامتاماسىز ەتۋگە مٷمكٸندٸك بار دەگەن سٶز, – دەيدٸ جاس كەلٸنشەك.
ايتا كەتۋ كەرەك, مانساپ ورتالىعى كۋرس وقيتىندارعا تٶلەنەتٸن شەكٸرتاقىدان بٶلەك جۇمىس بەرۋشٸگە دە اي سايىن وقۋ قۇنىن تٶلەيدٸ. ونىڭ مٶلشەرٸن ٶڭٸرلٸك كوميسسييا بەلگٸلەيدٸ. وقۋدى اياقتاعان جۇمىسسىزدى كەمٸندە 12 اي مەرزٸمگە تۇراقتى جۇمىسقا ورنالاستىرۋ - جوباعا قاتىسۋعا نيەت بٸلدٸرگەن جۇمىس بەرۋشٸلەر ٷشٸن مٸندەتتٸ تالاپ بولىپ تابىلادى.
