اقتوبە قالاسىنىڭ N2 سوتى 170-تەن استام ادامدى الداعان الاياقتارعا قاتىستى ۇكىم شىعاردى، دەپ حابارلايدى Dalanews.kz.
پوليسيا قىلمىستىق ءىستى تەرگەپ-تەكسەرۋ بارىسىندا 2022-2023 جىلدار ارالىعىندا اقتوبە وبلىسىنىڭ ەكى تۇرعىنى ازاماتتاردى اتىراۋ وبلىسىندا ورنالاسقان مۇناي كومپانياسىنا ۆاحتالىق ادىسپەن جۇمىسقا ورنالاستىرۋعا ۋادە ەتىپ، الداۋ جولمەن ءار جابىرلەنۋشىدەن 50-700 مىڭ تەڭگە ارالىعىندا اقشا العانىن انىقتادى.
ناتيجەسىندە كۇدىكتىلەر ۇستالىپ، ولاردىڭ 172 جابىرلەنۋشىدەن جالپى سوماسى 40 ميلليون تەڭگەگە جۋىق اقشا قاراجاتىن يەمدەنگەنى بەلگىلى بولدى.
“سوتتالۋشىلاردىڭ كىناسى جابىرلەنۋشىلەردىڭ، كۋالاردىڭ جاۋاپتارىمەن، زاتتاي ايعاقتارمەن، سوت-ەكونوميكالىق ساراپتاما قورىتىندىسىمەن، قىلمىستىق ىستەگى باسقا دا دالەلدەرمەن تولىق راستالدى. ناتيجەسىندە سوت ۇكىمىمەن سوتتالۋشىلار الاياقتىق جاساۋعا كىنالى دەپ تانىلىپ، ءبىرى 6 جىلعا، ەكىنشىسى 4 جىلعا باس بوستاندىعىنان ايىرىلدى.
سونىمەن قاتار سوتتالعاندارعا كوممەرسيالىق ۇيىمدارىندا لاۋازىمداردى اتقارۋ قۇقىعىنان ايىرۋ تۇرىندەگى قوسىمشا جازا تاعايىندالدى”، - دەلىنگەن حابارلامادا.
