Aqtóbe qalasynyń N2 soty 170-ten astam adamdy aldaǵan alaiaqtarǵa qatysty úkim shyǵardy, dep habarlaidy Dalanews.kz.
Politsiia qylmystyq isti tergep-tekserý barysynda 2022-2023 jyldar aralyǵynda Aqtóbe oblysynyń eki turǵyny azamattardy Atyraý oblysynda ornalasqan munai kompaniiasyna vahtalyq ádispen jumysqa ornalastyrýǵa ýáde etip, aldaý jolmen ár jábirlenýshiden 50-700 myń teńge aralyǵynda aqsha alǵanyn anyqtady.
Nátijesinde kúdiktiler ustalyp, olardyń 172 jábirlenýshiden jalpy somasy 40 million teńgege jýyq aqsha qarajatyn iemdengeni belgili boldy.
“Sottalýshylardyń kinási jábirlenýshilerdiń, kýálardyń jaýaptarymen, zattai aiǵaqtarmen, sot-ekonomikalyq saraptama qorytyndysymen, qylmystyq istegi basqa da dáleldermen tolyq rastaldy. Nátijesinde sot úkimimen sottalýshylar alaiaqtyq jasaýǵa kináli dep tanylyp, biri 6 jylǵa, ekinshisi 4 jylǵa bas bostandyǵynan aiyryldy.
Sonymen qatar sottalǵandarǵa kommertsiialyq uiymdarynda laýazymdardy atqarý quqyǵynan aiyrý túrindegi qosymsha jaza taǵaiyndaldy”, - delingen habarlamada.
