اقتٶبە وبلىسىندا تٶرت ادامنىڭ ٶلٸمٸنە ەكەلگەن جول-كٶلٸك وقيعاسىنا قاتىستى ٷش جىلدان استام ۋاقىتقا سوزىلعان رەزونانستى ٸس بويىنشا سوت ٷكٸمٸ شىقتى, دەپ حابارلايدى dalanews.kz.
Time.kz مەلٸمەتٸنشە, قايعىلى وقيعا 2023 جىلعى 21 اقپان كٷنٸ كەشكە سامارا – شىمكەنت تاس جولىنىڭ 921-شاقىرىمىندا, ەيتەكە بي اۋدانى اۋماعىندا بولعان.
“تەرگەۋ مەلٸمەتٸندە جٷك كٶلٸگٸنٸڭ جٷرگٸزۋشٸسٸ رامازان ينفۋروۆ الدا كەلە جاتقان كاماز كٶلٸگٸن باسىپ وزۋعا ەرەكەت جاساعانى ايتىلادى. الايدا مانەۆر سەتسٸز اياقتالىپ, ونىڭ كٶلٸگٸ قارسى باعىتتا كەلە جاتقان Mitsubishi Montero Sport اۆتوكٶلٸگٸمەن سوقتىعىسقان”, - دەيدٸ باسىلىم.
جول اپاتى سالدارىنان جول تالعامايتىن كٶلٸكتە وتىرعان ەرلٸ-زايىپتى مەن ولاردىڭ ٷش كەمەلەتكە تولماعان بالاسى كٶز جۇمدى. اپاتتان جٷك كٶلٸگٸنٸڭ جٷرگٸزۋشٸسٸ رامازان ينفۋروۆ پەن Mitsubishi كٶلٸگٸن باسقارعان ساۆينا جاقسىلىقوۆا عانا امان قالعان.
العاشىندا تەرگەۋ ورگاندارى جول اپاتىنا جاقسىلىقوۆانى كٸنەلٸ دەپ تانىعان. الايدا سوت ٸس ماتەريالدارىن جان-جاقتى زەرتتەپ, جەسٸر ەيەلدٸڭ كٸنەسٸن دەلەلدەيتٸن ناقتى ايعاقتار جوق دەگەن قورىتىندىعا كەلگەن. نەتيجەسٸندە ول اقتالىپ شىققان.
وسىدان كەيٸن ايىپ رامازان ينفۋروۆقا تاعىلىپ, ونىڭ ٸسٸ القابيلەردٸڭ قاتىسۋىمەن قارالدى. سول كەزدە القابيلەر جٷرگٸزۋشٸنٸ اقتاپ, وعان زاڭسىز قىلمىستىق جاۋاپكەرشٸلٸككە تارتىلعانى ٷشٸن ٶتەماقى تالاپ ەتۋ قۇقىعىن بەرگەن.
دەگەنمەن ٸس مۇنىمەن اياقتالعان جوق. مارقۇمداردىڭ جۇبايى ساۆينا جاقسىلىقوۆا مەن پروكۋراتۋرا اپەللياتسييالىق شاعىم تٷسٸرٸپ, ٸس قايتا قاراۋعا جٸبەرٸلدٸ.
“اپەللياتسييالىق سوت القابيلەر قۇرامىن قالىپتاستىرۋ كەزٸندە زاڭ بۇزۋشىلىقتارعا جول بەرٸلگەنٸن انىقتاعان. اتاپ ايتقاندا, القابيلەردٸڭ بٸرٸ ٸرٸكتەۋ بارىسىندا-اق «سوتتالۋشىنىڭ كٸنەلٸ نە كٸنەسٸز ەكەنٸنە قاراماستان, اقتاۋ ٷشٸن داۋىس بەرەمٸن» دەپ مەلٸمدەگەن. ال تاعى بٸر القابي ەكٸ بالاسى بارىن ايتىپ, پروتسەسكە قاتىسقىسى كەلمەيتٸنٸن جەتكٸزگەن. الايدا بۇل جايتتار ەسكەرٸلمەگەن”, - دەدٸ دەرەككٶز.
ٸس ەكٸنشٸ رەت تە القابيلەردٸڭ قاتىسۋىمەن قارالدى. بۇل جولى القابيلەر رامازان ينفۋروۆتىڭ جول قوزعالىسى ەرەجەلەرٸن بۇزىپ, ابايسىزدا تٶرت ادامنىڭ ٶلٸمٸنە سەبەپ بولعانىن دەلەلدەنگەن دەپ تانىدى.
سوت ٷكٸمٸمەن ول 5 جىلعا باس بوستاندىعىنان ايىرىلىپ, 7 جىل مەرزٸمگە كٶلٸك قۇرالىن باسقارۋ قۇقىعىنان ايىرىلدى. سوتتالعان ازامات ٷكٸم جارييالانعاننان كەيٸن بٸردەن سوت زالىندا قاماۋعا الىندى.
ٷكٸم زاڭدى كٷشٸنە ەنگەن جوق. سوتتالعان ازامات پەن ونىڭ قورعاۋشىلارىنىڭ شەشٸمگە شاعىمدانۋعا مٷمكٸندٸگٸ بار.
