اقتوبەدە سوتتالۋشىلار تۇرمەدەن قاشىپ كەتكەن. وسى ءىس بويىنشا جاۋاپتى قىزمەتكەرلەر سوتتالدى، - دەپ حابارلايدى Dalanews.kz.
اقتوبە قالاسىنىڭ №2 سوتىمەن "س"، "ي" جانە "ن" سالعىرتتىق، ياعني مەملەكەتتىك فۋنكسيالاردى ورىنداۋعا ۋاكىلەتتىك بەرىلگەن ادامنىڭ ءوز مiندەتتەرiن قىزمەتiنە ادال قاراماۋى نەمەسە ۇقىپسىز قاراۋى سالدارىنان ورىنداماۋى نەمەسە تيىسىنشە ورىنداماۋى دەگەن ايىپپەن قىلمىستىق ءىس قارالدى (قك-نىڭ 371-بابىنىڭ 1 بولىگى).
قىسقاشا فابۋلا
11 قاراشا 2023 جىلى اقتوبە قالاسى پوليسيا باسقارماسىنىڭ ۋاقىتشا ۇستاۋ يزولياتورىنا تاۋلىكتىك كەزەكشىلىككە كەزەكشىسى "س"، بەكەت كۇزەتشىسى "ن"، الىپ شىعۋشى "ي" تاعايىندالعان.
2023 جىلى 12 قازاندا ساعات 01:34 - 05:58 ارالىعىندا "س"، "ن" جانە "ي" قىزمەت اتقارۋ ورنىندا ۇيىقتاپ قالۋلارىنا بايلانىستى تەرگەۋمەن قاماۋدا وتىرعان "ە" مەن "ك" ساعات 03:36-دا تەرگەۋمەن انىقتالماعان زاتپەن كامەرا ەسىگىن اشىپ، ەشبىر كەدەرگىسىز يزولياتوردان شىعىپ، كىرە بەرىستەگى ەسىكتىڭ ماگنيتتىك قۇلىپتىڭ سىمدارىن ءۇزۋ ارقىلى سىرتقا شىعىپ بوستاندىققا قاشىپ كەتكەن.
سوڭعىلاردى ىزدەستىرۋ جۇمىستارىنا اقتوبە وبلىسى پوليسيا دەپارتامەنتىنىڭ، پوليسيا باسقارماسىنىڭ، قالالىق جانە اۋداندىق پوليسيا بولىمشەلەرىنىڭ قىزمەتكەرلەرى جانە قازاقستان رەسپۋبليكاسى ۇلتتىق ۇلانى 6655 اسكەري ءبولىمىنىڭ اسكەري قىزمەتكەرلەرى جۇمىلدىرىلىپ، قاماۋدان قاشقاندار 4-ساعاتتىڭ ىشىندە ۇستالىپ، يزولياتورعا جەتكىزىلدى.
ءسويتىپ، "س"، "ي" جانە "ن" سالعىرتتىق، ياعني لاۋازىمدى ادامنىڭ ءوز مiندەتتەرiن تيىسىنشە ورىنداماي، قىزمەتiنە ادال قاراماۋى نەمەسە ۇقىپسىز قاراۋى سالدارىنان قوعامنىڭ جانە مەملەكەتتiڭ زاڭمەن قورعالاتىن مۇددەلەرiنە ەلەۋلى زيان كەلتىرۋگە اكەپ سوققان قىلمىستىق قۇقىق بۇزۋشىلىقتى جاساعان.
سوتتالۋشىلاردىڭ ۇستانىمى
سوتتالۋشىلار "ن" جانە "ي" كىناسىن مويىندادى، ال "س" كىناسىن مويىندامادى.
مەملەكەتتىك ايىپتاۋشىنىڭ پىكىرى
مەملەكەتتىك ايىپتاۋشى سوتتان ءارقايسىسىنا 1 جىل مەرزىمگە باس بوستاندىعىنان شەكتەۋ جازاسىن تاعايىنداۋدى سۇرادى.
سوتتىڭ شەشىمى
قىلمىستىق جاۋاپتىلىقتى جانە جازانى جەڭىلدەتەتىن ءمان-جايلار رەتىندە سوت سوتتالۋشىلار "ي" جانە "ن" قىلمىس جاساعاندارىنا شىن نيەتپەن وكىنۋى، "ي" اسىراۋىندا ءتورت كامەلەت جاسىنا تولماعان بالالارى بارىن ەسكەرەدى. قك-تىڭ 54-بابىنىڭ 1-بولىگىنىڭ 13)-تارماعىنا سايكەس "س"، "ي" جانە "ن" بەرگەن كاسىبي انتىن بۇزا وتىرىپ، قىلمىستىق قۇقىق بۇزۋشىلىق جاساعاندىعى قىلمىستىق جاۋاپتىلىق پەن جازانى اۋىرلاتاتىن ءمان-جايى بولىپ تابىلادى.
سوت ۇكىمىمەن "س"، "ي" جانە "ن" ءارقايسىسىنا 1 جىل باس بوستاندىعىنان شەكتەۋ جازاسى تاعايىندالدى. اقتوبە وبلىسى پوليسيا دەپارتامەنتىن ءتيىستى شارا قولدانۋ ءۇشىن سوتپەن جەكەشە قاۋلى شىعارىلدى. سوت ۇكىمى زاڭدى كۇشىنە ەنگەن جوق.
