اقتٶبە قالاسىنىڭ تۇرعىنى ٶزٸن قاتەلٸكپەن قايتىس بولدى دەپ تانىعان مەديتسينالىق مەكەمەنٸ سوتقا بەرٸپ, مورالدىق شىعىن ٷشٸن ٶتەماقى ٶندٸرٸپ الدى, دەپ حابارلايدى Dalanews.kz.
وقيعا 2025 جىلدىڭ جازىندا بولعان. اۋرۋحانا دەرەكقورىنا قاتە مەلٸمەت ەنگٸزٸلٸپ, سونىڭ نەگٸزٸندە ازاماتتىق حال اكتٸلەرٸن تٸركەۋ ورگاندارى ەر ادامدى رەسمي تٷردە قايتىس بولدى دەپ تٸركەگەن. قاتەلٸك تەك بەس كٷننەن كەيٸن عانا تٷزەتٸلگەن.
تالاپكەردٸڭ ايتۋىنشا, وسى ۋاقىت ارالىعىندا ول بٸرقاتار قيىندىققا تاپ بولعان. اتاپ ايتقاندا, دەرٸ-دەرمەك الا الماعان, نەسيە تٶلەۋ مەن سالىقتىق مٸندەتتەمەلەردٸ ورىنداۋ مٷمكٸن بولماعان.
ەر ادام مورالدىق زييان ٷشٸن 1 ميلليون تەڭگە ٶتەماقى تالاپ ەتكەن. ال اۋرۋحانا ٶكٸلدەرٸ بۇل جاعدايدى تەحنيكالىق اقاۋمەن بايلانىستىرىپ, قاتە دەر كەزٸندە تٷزەتٸلگەنٸن العا تارتقان.
الايدا سوت مەديتسينالىق ۇيىم جٸبەرگەن قاتەلٸك ازامات پەن ونىڭ جاقىندارىنا مورالدىق زييان كەلتٸرۋٸ مٷمكٸن ەكەنٸن مويىنداپ, اۋرۋحانانى 200 مىڭ تەڭگە كٶلەمٸندە ٶتەماقى تٶلەۋگە مٸندەتتەدٸ.
