اقتٶبەدە ٶزٸن سىبايلاس جەمقورلىققا قارسى قىزمەتتٸڭ قىزمەتكەرٸ رەتٸندە تانىستىرعان بوپسالاۋشى ۇستالدى, دەپ حابارلايدى Dalanews.kz.
اقتٶبە وبلىسى پوليتسييا دەپارتامەنتٸنٸڭ ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ مەن قازاقستان رەسپۋبليكاسىنىڭ سىبايلاس جەمقورلىققا قارسى ٸس-قيمىل اگەنتتٸگٸ ٷيلەستٸرٸلگەن ٸس-قيمىل نەتيجەسٸندە بوپسالاۋشى ەر ادامدى ۇستادى.
جەدەل ٸزدەستٸرۋ ٸس-شارالارى بارىسىندا اقتٶبە قالاسىنىڭ كەسٸپكەرلەرٸنەن اقشا بوپسالاپ جٷرگەن بەلگٸسٸز ادام تۋرالى اقپارات الىنعان. تەكسەرۋ بارىسىندا كٷدٸكتٸنٸڭ جەكە كەسٸپكەرلەرگە قوڭىراۋ شالىپ, ٶزٸن سىبايلاس جەمقورلىققا قارسى قىزمەتتٸڭ قىزمەتكەرٸ رەتٸندە تانىستىرعانى, ويدان شىعارىلعان ايىپتاۋلار ارقىلى قىلمىستىق ٸس قوزعايمىن دەپ قورقىتقانى انىقتالدى.
ول جەبٸرلەنۋشٸلەرگە قاتىستى قۇپييا اقپاراتتى پايدالانىپ, قىسىمدى كٷشەيتكەن.
ول قالاداعى جاۋاپكەرشٸلٸگٸ شەكتەۋلٸ سەرٸكتەستٸكتەردٸڭ بٸرٸنٸڭ كادر بٶلٸمٸنٸڭ باستىعىنان 5 ميلليون تەڭگە تالاپ ەتكەن. ۇستالعان كەزدە ونىڭ باسقارۋىنداعى كٶلٸكتەن 4 ميلليون تەڭگە تابىلىپ, تەركٸلەندٸ.
بۇل دەرەك بويىنشا قىلمىستىق كودەكستٸڭ "بوپسالاۋ" بابى بويىنشا سوتالدى تەرگەۋ باستالدى.
ايتا كەتەيٸك, بۇل باپتىڭ سانكتسيياسى بەس جىلدان ون جىلعا دەيٸنگٸ مەرزٸمگە باس بوستاندىعىنان ايىرۋ جازاسىن كٶزدەيدٸ.
