Aqtóbede ózin Sybailas jemqorlyqqa qarsy qyzmettiń qyzmetkeri retinde tanystyrǵan bopsalaýshy ustaldy, dep habarlaidy Dalanews.kz.
Aqtóbe oblysy Politsiia departamentiniń Uiymdasqan qylmysqa qarsy kúres basqarmasynyń qyzmetkerleri men Qazaqstan Respýblikasynyń Sybailas jemqorlyqqa qarsy is-qimyl agenttigi úilestirilgen is-qimyl nátijesinde bopsalaýshy er adamdy ustady.
Jedel izdestirý is-sharalary barysynda Aqtóbe qalasynyń kásipkerlerinen aqsha bopsalap júrgen belgisiz adam týraly aqparat alynǵan. Tekserý barysynda kúdiktiniń jeke kásipkerlerge qońyraý shalyp, ózin Sybailas jemqorlyqqa qarsy qyzmettiń qyzmetkeri retinde tanystyrǵany, oidan shyǵarylǵan aiyptaýlar arqyly qylmystyq is qozǵaimyn dep qorqytqany anyqtaldy.
Ol jábirlenýshilerge qatysty qupiia aqparatty paidalanyp, qysymdy kúsheitken.
Ol qaladaǵy jaýapkershiligi shekteýli seriktestikterdiń biriniń kadr bóliminiń bastyǵynan 5 million teńge talap etken. Ustalǵan kezde onyń basqarýyndaǵy kólikten 4 million teńge tabylyp, tárkilendi.
Bul derek boiynsha Qylmystyq kodekstiń "Bopsalaý" baby boiynsha sotaldy tergeý bastaldy.
Aita keteiik, bul baptyń sanktsiiasy bes jyldan on jylǵa deiingi merzimge bas bostandyǵynan aiyrý jazasyn kózdeidi.
