اقتٶبە قالاسىندا «جول قوزعالىسى جەنە تسيفرلىق تەحنولوگييالار قاۋٸپسٸزدٸگٸن قامتاماسىز ەتۋ ورتالىعى» كمم ديرەكتورى ا. تٸلماعامبەتوۆكە قاتىستى قىلمىستىق ٸس بويىنشا ٷكٸم شىقتى. بۇل تۋرالى سىبايلاس جەمقورلىققا قارسى ٸس-قيمىل اگەنتتٸگٸ مەلٸمدەدٸ, دەپ حابارلايدى Dalanews.kz.
مەملەكەت باسشىسىنىڭ تاپسىرماسى اياسىندا زاڭدىلىق پەن تەرتٸپ قاعيداتىن قامتاماسىز ەتۋگە ەرەكشە كٶڭٸل بٶلٸنۋدە. وسى باعىتتا جٷرگٸزٸلگەن تەرگەۋ نەتيجەسٸندە تٸلماعامبەتوۆ جەكە كەسٸپكەر ا. كۋسۋموۆپەن بٸرلەسٸپ, جالعان مەملەكەتتٸك ساتىپ الۋ شارتىن جاساسقانى جەنە ناقتى ورىندالماعان جۇمىستار ٷشٸن 35 ملن تەڭگە كٶلەمٸندە قاراجات يەمدەنگەنٸ انىقتالعان.
زاڭناما تالاپتارىن ٶرەسكەل بۇزا وتىرىپ, ساتىپ الۋ بٸر كٶزدەن الۋ تەسٸلٸمەن ٸسكە اسىرىلعان. سونىمەن قاتار, تٸلماعامبەتوۆ مەردٸگەر ۇيىمدارمەن كەپٸلدٸك مٸندەتتەمەلەرٸ اياسىندا اتقارىلۋى تيٸس جول تاڭبالارىن سالۋ جۇمىستارىن دا مەملەكەتتٸك ساتىپ الۋ شارتتارى ارقىلى رەسٸمدەپ, 237 ملن تەڭگە بيۋدجەت قارجىسىن ماقساتسىز جۇمساعان.
اقتٶبە قالاسىنىڭ №2 سوتىنىڭ شەشٸمٸمەن تٸلماعامبەتوۆ 8 جىلعا باس بوستاندىعىنان ايىرىلدى. سونىمەن قاتار, ول ٶمٸر بويى مەملەكەتتٸك قىزمەتتە, سۋديادا جەنە جەرگٸلٸكتٸ ٶزٸن-ٶزٸ باسقارۋ ورگاندارىندا قىزمەت ەتۋ قۇقىعىنان ايىرىلدى.
ونىڭ سىبايلاسى ا. كۋسۋموۆ 7 جىلعا سوتتالىپ, كوممەرتسييالىق جەنە مەملەكەتتٸك ۇيىمداردا ماتەريالدىق جاۋاپكەرشٸلٸگٸ بار لاۋازىمداردى اتقارۋ قۇقىعىنان ٶمٸر بويىنا ايىرىلدى.
ايتا كەتەيٸك, بۇل ٷكٸم ەلٸ زاڭدى كٷشٸنە ەنگەن جوق. قر كونستيتۋتسيياسىنىڭ 77-بابى مەن قىلمىستىق-پروتسەستٸك كودەكستٸڭ 19-بابىنا سەيكەس, ادامنىڭ كٸنەسٸ سوتتىڭ زاڭدى كٷشٸنە ەنگەن ٷكٸمٸمەن عانا انىقتالادى.
