اقتٶبە وبلىسىندا "قازحروم تۇك" اق-عا قاراستى دٶڭ تاۋ-كەن بايىتۋ كومبيناتىندا جارىلىس ورىن الىپ, تٶرت جۇمىسشى كٷيٸك شالدى. اتالعان ٸس بويىنشا قىلمىستىق ٸس قوزعالدى, دەپ حابارلايدى Dalanews.kz.
وقيعانىڭ مەن-جايى
28 اقپاندا كەسٸپورىن اۋماعىندا سۋتەگٸ تارالىپ, سونىڭ سالدارىنان كەن ورنىندا قىسقا مەرزٸمدٸ جانۋ پروتسەسٸ بولعان. اقتٶبە وبلىسى ەكٸمدٸگٸنٸڭ مەلٸمەتٸنشە, تٶتەنشە جاعدايدان زارداپ شەككەن تٶرت قىزمەتكەرگە مەديتسينالىق كٶمەك كٶرسەتٸلٸپ, ولار دەرٸگەرلەردٸڭ باقىلاۋىندا.
قىلمىستىق ٸس قوزعالدى
وقيعاعا بايلانىستى پوليتسييا «تاۋ-كەن نەمەسە قۇرىلىس جۇمىستارىن جٷرگٸزۋ كەزٸندە قاۋٸپسٸزدٸك تالاپتارىنىڭ بۇزىلۋى» فاكتٸسٸ بويىنشا قىلمىستىق ٸس قوزعادى.
"قازحروم تۇك" اق دٶڭ تاۋ-كەن بايىتۋ كومبيناتىندا سۋتەگٸن شاشىلىپ, سالدارىنان تەرمييالىق كٷيٸكپەن 4 ادام اۋرۋحاناعا جەتكٸزٸلدٸ. پوليتسييا تاۋ-كەن نەمەسە قۇرىلىس جۇمىستارىن جٷرگٸزۋ كەزٸندە قاۋٸپسٸزدٸك ەرەجەلەرٸن بۇزۋ فاكتٸسٸ بويىنشا قىلمىستىق ٸستٸ تٸركەدٸ", - دەدٸ اساۋپ باۋىرجان پد تەرگەۋ باسقارماسىنىڭ باستىعى.
كەسٸپورىن رەسمي مەلٸمدەمە جاسادى
دٶڭ تاۋ-كەن بايىتۋ كومبيناتى دا بۇل اقپاراتتى راستادى. كەسٸپورىن ٶكٸلدەرٸنٸڭ ايتۋىنشا, وقىس وقيعا «بولاشاق» شاحتاسىنداعى بۇرعىلاۋ جۇمىستارى كەزٸندە ورىن العان.
"قىسقا مەرزٸمدٸ جانۋ سالدارىنان تٶرت قىزمەتكەر كٷيٸك الىپ, دەرەۋ اۋرۋحاناعا جەتكٸزٸلدٸ. بارلىق زارداپ شەككەندەرگە قاجەتتٸ مەديتسينالىق كٶمەك كٶرسەتٸلۋدە. وقيعانىڭ ناقتى سەبەپتەرٸ انىقتالۋدا. تەرگەۋ اياقتالعانعا دەيٸن شاحتاداعى كەن ٶندٸرۋ جۇمىستارى ۋاقىتشا توقتاتىلدى", – دەلٸنگەن كومبيناتتىڭ رەسمي حابارلاماسىندا.
