اقتٶبە وبلىسىنىڭ شالقار قالاسىندا جاپپاي تٶبەلەس كەزٸندە 17 جاستاعى وقۋشىنىڭ قازا بولۋىنا قاتىستى سوت وتىرىسى باستالدى. جاسٶسپٸرٸمدٸ ٶلتٸردٸ دەگەن ايىپ 18 جاستاعى ستۋدەنتكە تاعىلىپ وتىر, دەپ حابارلايدى dalanews.kz.
Stan.kz مەلٸمەتٸنشە, وقيعا 19 ناۋرىزدا بولعان. سول كٷنٸ ايىپتالۋشى اناسىنىڭ كٶلٸگٸن رۇقساتسىز الىپ, "ماياك" توبىنىڭ مٷشەلەرٸمەن بٸرگە قالانىڭ ەكٸنشٸ شەتٸنە بارعان. ونىڭ جٷرگٸزۋشٸ كۋەلٸگٸ بولماعان. سونداي-اق ٶزٸمەن بٸرگە اڭشىلىق پىشاق الىپ جٷرگەن.
جاستار اراسىندا بولعان جاپپاي تٶبەلەس كەزٸندە 17 جاستاعى وقۋشى جٷرەك تۇسىنان پىشاق جاراقاتىن الىپ, كٶز جۇمعان. تەرگەۋ نۇسقاسى بويىنشا, ايىپتالۋشى قارۋ قولدانىلۋى مٷمكٸن ەكەنٸن الدىن الا بٸلگەن.
الايدا سوتتالۋشى ادام ٶلتٸرۋ بويىنشا تاعىلعان ايىپتى مويىندامادى. ونىڭ سٶزٸنشە, پىشاقتى ٶزٸن قورعاۋ ٷشٸن الىپ شىققان. بٸر توپ جاس ٶزٸنە قاراي جٷگٸرگەن كەزدە ٶمٸرٸنە قاۋٸپ تٶندٸ دەپ قورقىپ, قولىنداعى پىشاقتى سەرمەگەنٸن ايتقان.
سوت وتىرىسىندا ايىپتالۋشى مارقۇمنىڭ وتباسىنان كەشٸرٸم سۇراپ, ونى ٶلتٸرۋ ويى بولماعانىن مەلٸمدەدٸ. وقيعادان كەيٸن ول تٶبەلەس بولعان جەردەن قاشىپ, تەحنيكالىق قىزمەت كٶرسەتۋ ستانتسيياسىنىڭ عيماراتىنا جاسىرىنعان.
قازٸرگٸ ۋاقىتتا سوت پروتسەسٸ جالعاسىپ جاتىر. قازا تاپقان وقۋشىنىڭ تۋىستارى ايىپتالۋشىعا قاتاڭ جازا تاعايىنداۋدى تالاپ ەتۋدە.
