كولىك ۆيسە-مينيسترى تالعات لاستايەۆ اپاتقا ۇشىراعان ۇشاقتان تابىلعان قارا جاشىكتىڭ قاشان اشىلاتىنى جايلى مالىمدەمە جاسادى، دەپ حابارلايدى Dalanews.kz.
لاستايەۆتىڭ ايتۋىنشا، ونى اشۋدىڭ ناقتى قادامى بار.
"ەڭ الدىمەن، اۋە اپاتىن زەرتتەۋ بويىنشا ارنايى كوميسسيا قۇرىلادى. سول كوميسسيا وقيعانىڭ ءمان-جايىن زەرتتەپ، بارلىق اقپاراتتى تالداي وتىرىپ، قارا جاشىكتى اشۋ بويىنشا شەشىم قابىلدايدى. قازىرگى ۋاقىتتا بۇل پروسەسس ءجۇرىپ جاتىر – ۇشاقتىڭ فراگمەنتتەرى مەن بولشەكتەرى جينالۋدا. ەرتەڭ وقيعا ورنىنا ساراپشىلار بارادى. ۇشاقتىڭ شىققان ەلى – برازيليا،” – دەپ اتاپ ءوتتى تالعات لاستايەۆ.
ونىڭ سوزىنشە، قازاقستانعا اۋە تاسىمالداۋشى كومپانيانىڭ وكىلدەرى دە كەلمەك. بارلىق تاراپ جينالعاننان كەيىن، قارا جاشىكتىڭ قاشان اشىلاتىنى بەلگىلى بولادى.
ەسكە سالايىق، 25 جەلتوقساندا اقتاۋ ماڭىندا ۇشاق قۇلادى. وسىعان بايلانىستى تجم تۇسىنىكتەمە بەردى.
"اقتاۋدا ۇشاق قۇلاعان ورىنعا قازاقستان تجم جەكە قۇرامىنان 52 ادام جانە 11 بىرلىك تەحنيكاسى باردى. وقيعا ورنىنا كەلگەن بويدا اۋە كەمەسى جانىپ جاتتى. قۇتقارۋ بولىمشەلەرى ءورتتى سوندىرۋگە كىرىستى"، - دەدى ولار.
"قازاەروناۆيگاسيا" اقپاراتىنشا، باكۋ-گروزنىي باعىتى بويىنشا كەلە جاتقان "ەمبراير190" AHY8243 ۇشاعى اقتاۋدا قۇسپەن سوقتىعىسقان.
ال ازەربايجاندىق باق-تىڭ حابارلاۋىنشا، بورتتا 67 ادام مەن 5 ەكيپاج مۇشەسى بولعان.
