اقتاۋداعى مەملەكەتتٸك ستوماتولوگييادا ەم العان 9 جاستاعى بالانىڭ تٶمەنگٸ جاق سٷيەگٸنٸڭ باسىم بٶلٸگٸ زاقىمدانعان. اتالعان وقيعادان كەيٸن ەكٸ دەرٸگەرگە قاتاڭ سٶگٸس جارييالاندى, دەپ حابارلايدى dalanews.kz.
Halyqstan مەلٸمەتٸنشە, وقيعا بيىل اقپان ايىندا بولعان. بالانىڭ اناسى اقمارال قالجانوۆا ۇلى نۇرەدٸلدٸ ستوماتولوگقا تەكسەرۋگە الىپ بارعان. ونىڭ ايتۋىنشا, بالانىڭ تٸسٸ اۋىرماعان, ەشقانداي شاعىمى بولماعان.
سوعان قاراماستان دەرٸگەرلەر بالانىڭ تٸستەرٸن ەمدەۋگە شەشٸم قابىلداعان. ەم كەزٸندە جانسىزداندىراتىن دەرٸ سالىنعاننان كەيٸن بالانىڭ قىزۋى كٶتەرٸلٸپ, قاتتى اۋىرىپ, يەگٸ ٸسٸنە باستاعان.
اناسىنىڭ سٶزٸنشە, دەرٸگەرلەرگە بٸرنەشە رەت قايتا قارالعانىمەن, بالانىڭ جاعدايى كٷننەن-كٷنگە ناشارلاي بەرگەن. سونىڭ سالدارىنان بٸرنەشە اي ٸشٸندە ونىڭ تٶمەنگٸ جاق سٷيەگٸنٸڭ شامامەن 60–70 پايىزى زاقىمدانعان.
"كەيٸن استاناداعى دەرٸگەرلەر بالاعا "تٶمەنگٸ جاق سٷيەگٸنٸڭ جەدەل ودونتوگەندٸك وستەوميەليتٸ" دەگەن دياگنوز قويعان. وسى ۋاقىتقا دەيٸن وعان سٷيەكتٸڭ جانسىزدانعان بٶلٸكتەرٸن الىپ تاستاۋ ٷشٸن ەكٸ وپەراتسييا جاسالعان. ال الدا جاق سٷيەگٸن قالپىنا كەلتٸرۋگە ارنالعان تاعى بٸر كٷردەلٸ وتا كٷتٸپ تۇر. قازٸر وتباسى وعان قاجەتتٸ قاراجات جيناپ جاتىر", - دەيدٸ دەرەككٶز.
ماڭعىستاۋ وبلىسىنىڭ دەنساۋلىق ساقتاۋ باسقارماسى جٷرگٸزگەن قىزمەتتٸك تەكسەرۋدٸڭ قورىتىندىسى بويىنشا مەملەكەتتٸك ستوماتولوگييانىڭ ەكٸ دەرٸگەرٸنە قاتاڭ سٶگٸس بەرٸلدٸ. سونداي-اق ەمحانا باسشىلىعىنا انىقتالعان كەمشٸلٸكتەردٸ جويىپ, بالالارعا كٶرسەتٸلەتٸن ستوماتولوگييالىق كٶمەكتٸڭ ساپاسىن باقىلاۋدى كٷشەيتۋ تاپسىرىلدى.
الايدا بالانىڭ اتا-اناسى مۇنداي جازامەن كەلٸسپەيدٸ. ولار دەرٸگەرلەردٸڭ ەرەكەتٸنە قىلمىستىق-قۇقىقتىق باعا بەرۋدٸ تالاپ ەتٸپ وتىر.
وتباسىنىڭ ايتۋىنشا, ەمنەن كەيٸن مەديتسينالىق قۇجاتتارعا شىندىققا سەيكەس كەلمەيتٸن مەلٸمەتتەر ەنگٸزٸلگەن. سوندىقتان ولار پوليتسييادان دەرٸگەرلەردٸڭ كەسٸبي مٸندەتٸن دۇرىس ورىنداماۋى, مەديتسينالىق قۇجاتتاردى بۇرمالاۋى جەنە سالعىرتتىق تانىتۋى مٷمكٸن دەگەن كٷدٸكپەن تەكسەرۋ جٷرگٸزۋدٸ سۇرادى.
