مۇمكىندىگى شەكتەۋلى بالالار مەن ەرەسەكتەر قوزعالىسىن دامىتۋعا ارنالعان الاڭدا 7 جانە ودان جوعارى جاستاعى مۇگەدەك ادامدار جاتتىعا الادى. جالپى اۋدانى 120 شارشى مەتر جاتتىعۋ الاڭىندا 8 ءتۇرلى ويىن قۇرالدارى ورناتىلعان: اتكەنشەكتەر، تۋرنيكتەر جانە تاعى باسقا. جاراقاتتان قورعايتىن ارنايى توسەنىش توسەلگەن.
بۇل ەرەكشە جوبانى «مەيىرىمدى جۇرەك» قوعامدىق جوباسىنىڭ ەرىكتىلەرى جۇزەگە اسىردى. جاڭا الاڭدى ودان ءارى كۇتىپ ۇستاۋ ءۇشىن اقتاۋ قالالىق تۇرعىن ۇي-كوممۋنالدىق شارۋاشىلىق ءبولىمىنىڭ تەڭگەرىمىنە بەرىلەدى.
– بۇل ەرەكشە جوبا تولىعىمەن دەمەۋشىلەردىڭ ەسەبىنەن تۇرعىزىلدى. جاتتىرۋ قۇرالدارى ارنايى تاپسىرىسپەن الماتى جانە اقتاۋ قالالارىندا دايىندالىپ اكەلىندى. وسى ورايدا قالا تۇرعىندارىن، جالپىعا ورتاق قولدانىستاعى الاڭدى بۇلدىرمەۋگە، ۇقىپتى ۇستاۋعا شاقىرامىن، – دەدى «مەيىرىمدى جۇرەك» قوعامدىق جوباسىنىڭ وكىلى ءلاززات قالييەۆا.
