Múmkindigi shekteýli balalar men eresekter qozǵalysyn damytýǵa arnalǵan alańda 7 jáne odan joǵary jastaǵy múgedek adamdar jattyǵa alady. Jalpy aýdany 120 sharshy metr jattyǵý alańynda 8 túrli oiyn quraldary ornatylǵan: átkenshekter, týrnikter jáne taǵy basqa. Jaraqattan qorǵaityn arnaiy tósenish tóselgen.
Bul erekshe jobany «Meiirimdi júrek» qoǵamdyq jobasynyń eriktileri júzege asyrdy. Jańa alańdy odan ári kútip ustaý úshin Aqtaý qalalyq turǵyn úi-kommýnaldyq sharýashylyq bóliminiń teńgerimine beriledi.
– Bul erekshe joba tolyǵymen demeýshilerdiń esebinen turǵyzyldy. Jattyrý quraldary arnaiy tapsyryspen Almaty jáne Aqtaý qalalarynda daiyndalyp ákelindi. Osy oraida qala turǵyndaryn, jalpyǵa ortaq qoldanystaǵy alańdy búldirmeýge, uqypty ustaýǵa shaqyramyn, – dedi «Meiirimdi júrek» qoǵamdyq jobasynyń ókili Lázzat Qalieva.
