ماڭعىستاۋ وبلىسىنىڭ پروكۋراتۋراسى اقتاۋ اكىمدىگىنىڭ كاسىپكەرگە كاسپيي تەڭىزى جاعالاۋىنان جەر تەلىمىن زاڭسىز بەرگەنىن انىقتادى، دەپ حابارلايدى Dalanews.kz.
تەكسەرۋ بارىسىندا ماڭعىستاۋ وبلىسىندا جەردى زاڭسىز بەرۋ جانە ماقساتىنا ساي پايدالانباۋ فاكتىلەرى انىقتالعان.
"قالا اكىمدىگى سەرىكتەستىككە نەگىزگى جەر تەلىمى يگەرىلمەگەنىنە قاراماستان، تەڭىز جاعالاۋىنان قوسىمشا 0،5 گەكتار جەر بولگەن. سوت شەشىمىمەن بۇل جەر مەملەكەت مەنشىگىنە قايتارىلدى"، - دەلىنگەن پروكۋراتۋرا مالىمەتىندە.
سونداي-اق قالا اۋماعىندا مەملەكەت مەنشىگىندەگى جەرلەردى زاڭسىز يەمدەنۋدىڭ توعىز دەرەگى تىركەلگەن. ءتيىستى تۇلعالارعا جالپى سوماسى 2 ميلليون تەڭگەدەن استام ايىپپۇل سالىنعان.
جالپى، بيىل ماڭعىستاۋ وبلىسىندا 91 مىڭ گەكتار اۋماقتاعى 87 جەر تەلىمى مەملەكەت مەنشىگىنە قايتارىلعان. ولاردىڭ نارىقتىق قۇنى شامامەن 800 ميلليون تەڭگە دەپ باعالانۋدا.
بۇدان بولەك، 83 مىڭ گەكتار جايىلىمدىق جەر دە كەرى قايتارىلعان – سەبەبى جەر يەلەرىندەگى مال باسى جايىلىمعا تۇسەتىن جۇكتەمە نورماتيۆىنە ساي كەلمەگەن، ياعني جەر تەك فورمالدى تۇردە پايدالانىلىپ كەلگەن.
