قازاقستاندا جاقىندا ەرتٷرلٸ بانكتەر اراسىندا تەلەفون نٶمٸرٸ ارقىلى اقشا اۋدارىمدارى ٸسكە قوسىلادى. بۇل تۋرالى ۇلتتىق بانك تٶراعاسىنىڭ ورىنباسارى بەرٸك شولپانقۇلوۆ مەلٸمدەدٸ. قازٸر ۇلتتىق تٶلەم كورپوراتسيياسى بانكتەردٸ جاڭا جٷيەگە كەزەڭ-كەزەڭٸمەن قوسىپ جاتىر, دەپ حابارلايدى Dalanews.kz.
«توعىز بانكپەن كەلٸسٸمشارتقا قول قويىلدى. ولار – "حالىق بانكٸ", "بانك تسەنتركرەديت", Freedom Bank, Altyn Bank, RBK, Bereke, Forte, Home Credit Bank جەنە "نۇربانك". كەلٸسٸمشارتقا قول قويۋ – بانكتەردٸڭ تەحنيكالىق قوسىلۋ مەن جٷيە جاساۋدى باستاعانىن بٸلدٸرەدٸ», – دەدٸ شولپانقۇلوۆ.
ونىڭ ايتۋىنشا, العاشقى بەس بانك كليەنتتەرٸ ٷشٸن تەلەفون نٶمٸرٸ ارقىلى اۋدارىم جاساۋ قىزمەتٸ ماۋسىم ايىندا ٸسكە قوسىلادى. بۇل بانكتەر: حالىق بانكٸ, Freedom Bank, Altyn Bank, RBK جەنە Home Credit Bank. قالعان بانكتەر جٷيەگە كەزەڭ-كەزەڭٸمەن قوسىلادى.
شولپانقۇلوۆ جاڭالىقتىڭ مەنٸ تەك تەلەفون نٶمٸرٸ ارقىلى اقشا اۋدارۋدىڭ ىڭعايلىلىعىندا ەمەس, QR-كود ارقىلى ارالىق بانكتٸك ەسەپ ايىرىسۋ ەنگٸزٸلەتٸنٸن اتاپ ٶتتٸ.
«بىلتىر بٸز وسىنداي جٷيە جاسادىق, قازٸر بانكتەردٸ قوسۋ جالعاسۋدا. بۇل – تەحنولوگييالىق پروتسەسس, بەرٸ بانكتەردٸڭ تەحنيكالىق دايىندىعىنا بايلانىستى. كەيبٸر بانكتەردٸڭ ٸت-ينفراقۇرىلىمى كٷردەلٸ, سوندىقتان ۋاقىت سوزىلىپ جاتىر. بٸراق بٸز بۇل جٷيەنٸ جىل سوڭىنا دەيٸن تولىق ەنگٸزۋدٸ كٶزدەپ وتىرمىز», – دەدٸ شولپانقۇلوۆ.
ونىڭ ايتۋىنشا, بٸرىڭعاي QR-كودتى قولدانۋ بانكتٸك قوسىمشالار سيياقتى ىڭعايلى بولادى.
«بۇل – سٸزدٸڭ كەدٸمگٸ موبيلدٸ بانكتٸك قوسىمشاڭىز. مىسالى, سٸز ا بانكٸنٸڭ كليەنتٸسٸز, دٷكەنگە باردىڭىز دەلٸك. ول جەردە باسقا بانك – ۆ بانكٸنٸڭ تەرمينالى تۇر. سٸز ٶز بانكٸڭٸزدٸڭ قوسىمشاسىنان QR-كودتى سكانەرلەپ, تٶلەم جاساي الاسىز», – دەپ تٷسٸندٸردٸ ول.
قازٸر QR ارقىلى تٶلەم جاساۋ تەك بٸر بانك ٸشٸندەگٸ ەكوجٷيەدە عانا مٷمكٸن. جاڭا جٷيە تۇتىنۋشىلار ٷشٸن ەلدەقايدا يكەمدٸ بولادى.
«سٸزگە ىڭعايلىسى – قاي بانكتٸڭ كليەنتٸ بولساڭىز دا, كەز كەلگەن تەرمينال ارقىلى تٶلەم جاساي الاسىز», – دەدٸ ول.
تاريفتەر تۋرالى ايتا كەلە, ۇلتتىق بانك تٶراعاسىنىڭ ورىنباسارى كوميسسييا مەسەلەسٸ – نارىقتىق مەحانيزم ەكەنٸن ايتتى.
«تاريفتەر, تەگٸن قىزمەت جەنە تاعى باسقا مەسەلەلەر – بۇل نارىقتىق قۇبىلىس. بانكتەر مەن تٶلەم جٷيەلەرٸ كٶرسەتەتٸن قىزمەتتەر قىمبات سەرۆەرلەر مەن ينفراقۇرىلىمدى ۇستاۋعا باعىتتالعان. سوندىقتان بٸز بۇل كوميسسييا مٶلشەرٸنە تٸكەلەي ارالاسپايمىز», – دەپ تٷسٸندٸردٸ ول.
سوعان قاراماستان, ۇلتتىق بانكتە ارنايى تاريفتٸك كەڭەس قۇرىلعان. وندا بانكتەرمەن تٶلەم قولجەتٸمدٸلٸگٸ تالقىلانادى. شولپانقۇلوۆتىڭ ايتۋىنشا, كوميسسييانى ازايتۋ بويىنشا جٷيەلٸ جۇمىس جٷرگٸزٸلۋدە.
«بانكتەرگە قاتىستى كوميسسييا مەسەلەسٸندە جٷيەلٸ جۇمىس جٷرٸپ جاتىر. كەسٸپكەرلەر ٷشٸن كوميسسييا نەگٸزٸنەن ەكٸ بٶلٸكتەن تۇرادى: ينتەرچەيندج مٶلشەرلەمەسٸ جەنە بانك كوميسسيياسى. ينتەرچەيندج – بۇل ۇلتتىق بانك پەن حالىقارالىق تٶلەم جٷيەلەرٸ اراسىنداعى قىزمەتكە قاتىستى مٶلشەرلەمە. بۇل كٶرسەتكٸش قازٸر تٶمەندەدٸ», – دەدٸ ول.
ۇلتتىق بانك ٶكٸلٸنٸڭ ايتۋىنشا, بەسەكەلەستٸك نەتيجەسٸندە نارىقتاعى كوميسسييالار تٶمەندەپ كەلەدٸ.
«كوميسسييالار بەسەكەنٸڭ ارقاسىندا تٶمەندەيدٸ. بٸرىڭعاي QR-كود جٷيەسٸ دە وسى تەندەنتسيياعا سەيكەس بولادى. بٸراق بۇل QR-كود ارقىلى تٶلەم مٸندەتتٸ تٷردە تەگٸن بولادى دەگەن سٶز ەمەس. بۇل مەسەلە ەلٸ تالقىلانىپ جاتىر. دەگەنمەن, تۇتىنۋشىلار ٷشٸن ول قازٸرگٸ سيياقتى تەگٸن بولىپ قالا بەرەدٸ», – دەپ تٷيٸندەدٸ بەرٸك شولپانقۇلوۆ.
