اقش-تىڭ ەنەرگەتيكا مينيسترٸ كريس رايت امەريكا قۇراما شتاتتارى ۆەنەسۋەلاعا قاتىستى تەڭٸز بلوكاداسىن الىپ تاستاۋدى, الايدا ونىڭ مۇناي ەكسپورتىن باقىلاۋعا الۋدى جوسپارلاپ وتىرعانىن ايتتى, دەپ حابارلايدى Dalanews.kz Deutsche Welle-گە سٸلتەمە جاساپ.
بۇل تۋرالى شەنەۋنٸك بٸر كٷن بۇرىن Goldman Sachs بانكٸنٸڭ ەنەرگەتيكا جٶنٸندەگٸ كونفەرەنتسيياسىندا مەلٸمدەگەن.
ونىڭ ايتۋىنشا, مۇناي ساتۋدان تٷسكەن كٸرٸستەر ۆاشينگتوننىڭ باقىلاۋىنداعى ەسەپشوتتارعا تٷسٸپ, كەيٸن ۆەنەسۋەلا ەكونوميكاسىن قالپىنا كەلتٸرۋگە باعىتتالماق.
رايتتىڭ حابارلاۋىنشا, الدىمەن اقش ۆەنەسۋەلا قويمالارىندا ساقتاۋلى تۇرعان مۇنايدى ساتادى, ودان كەيٸن «بەلگٸسٸز بٸر ۋاقىت ارالىعىندا» ەلدە ٶندٸرٸلەتٸن مۇنايدى دا ٶتكٸزۋ جوسپارلانىپ وتىر.
"قازٸرگٸ جاعدايداعىداي مۇناي جەتكٸزٸلٸمٸن بۇعاتتاۋدىڭ ورنىنا, بٸز ونىڭ اقش-تاعى جەنە ەلەمدەگٸ مۇناي ٶڭدەۋ زاۋىتتارىنا تٷسۋٸنە مٷمكٸندٸك بەرەمٸز, وسىلايشا مۇناي جەتكٸزٸلٸمٸن جاقسارتامىز. الايدا بۇل ساتىلىمداردى اقش ٷكٸمەتٸ جٷزەگە اسىرادى", – دەپ تٷسٸندٸردٸ مينيستر.
وسى رەتتە Bloomberg اگەنتتٸگٸنٸڭ مەلٸمەتٸنشە, قاراجاتتى اقش قارجى مينيسترلٸگٸنٸڭ ەسەپشوتتارىندا ورنالاستىرۋ ولاردى ۆەنەسۋەلانىڭ كرەديتورلارىنان قورعاۋعا مٷمكٸندٸك بەرەدٸ. اگەنتتٸككە اقش ەكٸمشٸلٸگٸنٸڭ ەكٸ ٶكٸلٸ ەلگە قاتىستى سانكتسييالاردى بٸرتٸندەپ جەڭٸلدەتۋ جوسپارلانىپ وتىرعانىن ايتقان.
مەكسيكا شىعاناعى جاعالاۋىنداعى كٶپتەگەن امەريكالىق مۇناي ٶڭدەۋ زاۋىتتارى ۆەنەسۋەلادا ٶندٸرٸلەتٸن اۋىر, كٷكٸرت مٶلشەرٸ جوعارى مۇنايدى ٶڭدەۋگە ماماندانعان. بۇرىن ولار ۆەنەسۋەلالىق شيكٸزاتتىڭ ٸرٸ ساتىپ الۋشىلارى بولعان, الايدا سوڭعى جىلدارى اقش سانكتسييالارىنا بايلانىستى جەتكٸزٸلٸمدەر شەكتەلدٸ.
ۆەنەسۋەلانىڭ مۇناي سالاسىن قالپىنا كەلتٸرۋگە امەريكالىق كٶشباسشى دونالد ترامپ Chevron, ConocoPhillips جەنە Exxon Mobil سەكٸلدٸ امەريكالىق كومپانييالاردى تارتۋدى كٶزدەپ وتىر. ماتەريالدا اتاپ ٶتٸلگەندەي, ۆەنەسۋەلانىڭ مۇناي ٶنەركەسٸبٸ نيكولاس مادۋرو مەن ونىڭ الدىنداعى ۋگو چاۆەس بيلٸگٸ كەزەڭٸندە ايتارلىقتاي قۇلدىراعان.
Societe Generale بانكٸنٸڭ شيكٸزات نارىقتارىن تالداۋ جٶنٸندەگٸ ديرەكتورى مايكل حەي باعالاۋىنشا, 1998 جىلى, چاۆەس بيلٸككە كەلمەي تۇرىپ, ۆەنەسۋەلادا تەۋلٸگٸنە 3,4 ميلليون باررەل مۇناي ٶندٸرٸلسە, قازٸر بۇل كٶرسەتكٸش 1 ميلليون باررەلدەن تٶمەن تٷسكەن.
Bloomberg دەرەگٸنە سەيكەس, ترامپ ەكٸمشٸلٸگٸ بٸرنەشە مۇناي كومپانيياسىمەن كەلٸسسٶزدەر جٷرگٸزٸپ قويعان. اگەنتتٸك دەرەككٶزدەرٸنٸڭ ايتۋىنشا, پرەزيدەنت اق ٷيدە ەنەرگەتيكالىق كومپانييالاردىڭ باسشىلارىمەن كەزدەسۋ ٶتكٸزۋدٸ جوسپارلاپ وتىر.
Exxon مەن ConocoPhillips بۇعان دەيٸن ۆەنەسۋەلادا جۇمىس ٸستەگەن, الايدا 2000-جىلدارى ولاردىڭ اكتيۆتەرٸ مەملەكەت مەنشٸگٸنە الىنعان. قازٸرگٸ ۋاقىتتا ەلدە شەكتەۋلٸ كٶلەمدە مۇناي ٶندٸرۋمەن تەك Chevron عانا اينالىسىپ وتىر.
امەريكالىق مۇناي كومپانييالارى ۆەنەسۋەلادا جۇمىستى قايتا باستاۋعا قاتىستى ەزٸرگە اشىق مەلٸمدەمە جاساعان جوق. Bloomberg جازۋىنشا, ولار ەل ٸشٸندەگٸ جەنە اقش-تاعى ساياسي جاعدايدىڭ تۇراقتىلىعىنا كٶز جەتكٸزگٸسٸ كەلەدٸ.
وسى حابارلامالار اياسىندا 7 قاڭتاردا مۇناي باعاسى تٶمەندەدٸ. Brent ماركالى مۇناي 1,3 پايىزعا ارزانداپ, باررەلٸ 60 دوللاردان تٶمەن تٷستٸ, ال امەريكالىق WTI 2 پايىزعا تٶمەندەپ, 56 دوللار بولدى.
