اقش-تا ٶتكەن مەكتەپ كوماندالارى اراسىنداعى شاحماتتان ەلەم چەمپيوناتىندا رفمم قۇراماسى كٷمٸس جٷلدەگە يە بولدى

الەكساندرييا قالاسىندا (اقش, ۆيردجينييا شتاتى) ٶتكەن 2025 جىلعى مەكتەپ كوماندالارى اراسىنداعى شاحماتتان ەلەم چەمپيوناتىندا رفمم (الماتى) قۇراماسى كٷمٸس جٷلدەگە يە بولدى. جەكە ەسەپتە دە وقۋشىلار جارقىن ٶنەر كٶرسەتتٸ: يمانعالي اقىلباي التىن مەدال جەڭٸپ السا, ەدگار مامەدوۆ پەن زارينا نۇرعاليەۆا قولا مەدال يەگەرلەرٸ اتاندى.

FIDE World Schools Team Championship 2025 اياسىندا ٶتكەن بۇل دوداعا 48 ەلدەن 55 كوماندا قاتىستى. اقتاۋدا ٶتكەن ەكٸ جىل بۇرىنعى چەمپيوناتتان ايىرماشىلىعى – الەكساندرييادا جاس ەرەكشەلٸكتەرٸ بويىنشا بٶلٸنٸس بولمادى. ال قۇرامدا قىزدار مەن 12 جاستاعى سپورتشىلاردىڭ بولۋى ەندٸ مٸندەت ەمەس, سپورتتىق ٸرٸكتەۋ نەتيجەسٸ رەتٸندە باعالاندى.

تۋرنيردٸڭ سوڭعى كٷنٸ ەدەتتەگٸدەن ەرتە – جەرگٸلٸكتٸ ۋاقىت بويىنشا ساعات 10:00-دە (قازاقستان ۋاقىتىمەن 19:00-دە) باستالدى. 7-شٸ تۋردىڭ باستى ينتريگاسى: دانيس قۋاندىقۇلى (2156) مەن ونىڭ SEED Educational Complex (استانا) كومانداسى ٷندٸستاننىڭ Velammal MHS School (چەنناي) كومانداسىن توقتاتا الا ما? ٶكٸنٸشكە قاراي, ەسەپ ½–3½ ەسەبٸمەن ٷندٸلٸك كوماندانىڭ پايداسىنا اياقتالدى, دەگەنمەن دانيس قارسى كوماندانىڭ كٶشباسشىسى س.اسۆاتپەن (2369) تەڭ ويىن كٶرسەتتٸ.

 ال قالعان ەكٸ قازاقستاندىق كوماندا جەڭٸسكە جەتتٸ: رفمم (الماتى) كومانداسى Wellington College (جاڭا زەلاندييا) كومانداسىن 4–0 ەسەبٸمەن ويسىراتا جەڭسە, رفمم-2 (استانا) كومانداسى Gymnázium, Grösslingová 18 (براتيسلاۆا, سلوۆاكييا) كومانداسىن 2½–1½ ەسەبٸمەن تٸزە بٷكتٸردٸ. سونىمەن قاتار ٷزدٸكتەر اراسىنداعى ٷش بٸردەي ماتچ تەڭ اياقتالدى – 2–2: The Harker School (سان-حوسە, اقش) – Royal College (كولومبو, شري-لانكا), University High School (يرۆين, اقش) – Wisdom (تاشكەنت, ٶزبەكستان), جەنە Kantonsschule Alpenquai (ليۋتسەرن, شۆەيتسارييا) – Lyceum «Photon» (گيۋمري, ارمەنييا).

 وسىلايشا, تۋرنير اياقتالۋعا بٸر تۋر قالعاندا ەلەم چەمپيونى بەلگٸلٸ بولدى – Velammal MHS School (چەنناي, ٷندٸستان) كومانداسى! ولار 14 كوماندالىق ۇپاي جينادى, بۇل نەتيجەگە ەشبٸر قارسىلاس جەتە المادى. ال ەكٸنشٸ ورىن ٷشٸن كٷرەس قىزۋ ٶتتٸ: 11 ۇپايمەن ٷش كوماندا – Royal College, The Harker School جەنە Wisdom – جٷلدەگە ٷمٸت ارتتى. ولاردىڭ ٸزٸن الا 10 ۇپايمەن تٶرت كوماندا – رفمم (الماتى), SEED Educational Complex (استانا), رفمم-2 (استانا) جەنە Istanbul Erkek High School (تٷركييا) كەلە جاتتى.

8-شٸ تۋردا شەشۋشٸ ماتچتار ٶتتٸ: Velammal MHS School – Wisdom, The Harker School – SEED Educational Complex, Royal College – رفمم-2 جەنە Istanbul Erkek High School – رفمم كەزدەسۋلەرٸ جٷلدەلٸ ورىنداردىڭ تاعدىرىن انىقتادى.

چەمپيوندىقتى ەرتەرەك قامتاماسىز ەتكەن ٷندٸلٸك كوماندا كٶرشٸلەس ٶزبەكستاننىڭ Wisdom كومانداسىن زورعا دەگەندە 2½–1½ ەسەبٸمەن جەڭدٸ. سول كەزدە استانالىق رفمم-2 شري-لانكا ٶكٸلدەرٸن دەل سونداي ەسەپپەن تٸزە بٷكتٸردٸ. ال الماتىلىق كوماندا تٷركييالىق وقۋشىلاردى 4–0 ەسەبٸمەن ويسىراتا ۇتتى. وسى نەتيجەلەردەن كەيٸن بارشا نازار The Harker School مەن SEED Educational Complex اراسىنداعى كەزدەسۋگە اۋدى. ەگەر اقش كومانداسى جەڭسە – ولاردا كٷمٸس مەدال, ال قازاقستان ٷشٸن 3-شٸ ورىن عانا قالادى. ەگەر بٸزدٸڭ كوماندا جەڭسە – العاشقى ٷش ورىندى قازاقستاندىقتار بٶلٸسەدٸ: 2-شٸ ورىن – رفمم (الماتى), 3-شٸ ورىن – SEED Educational Complex, 4-شٸ ورىن – رفمم-2 (استانا). الايدا كەزدەسۋ تەڭ اياقتالدى – 2–2...

 قورىتىندى كوماندالىق كەستە كەلەسٸدەي بولدى:

1. Velammal MHS School (چەنناي, ٷندٸستان) – 16 كوماندالىق ۇپاي, زوننەبورن–بەرگەر كوەففيتسيەنتٸ: 242,5, جەكە ۇپايلار: 26½
2. رفمم (الماتى) – 12 ۇپاي, 254, 27;
3. The Harker School (سان-حوسە, اقش) – 12 ۇپاي, 174,5, 20
4. رفمم-2 (استانا) – 12 ۇپاي, 139, 19;
5. University High School (يرۆين, اقش) – 11 ۇپاي, 180, 22;
6. Royal College (كولومبو, شري-لانكا) – 11 ۇپاي, 177, 20½;
7. Lyceum «Photon» (گيۋمري, ارمەنييا) – 11 ۇپاي, 168,5, 22;
8. SEED Educational Complex (استانا) – 11 ۇپاي, 158,5, 19½;
9. رفمم-1 (استانا) – 8 ۇپاي, 108,5, 16½;
10. د.ا. قوناەۆ اتىنداعى مەكتەپ-گيمنازيياسى (اقتٶبە) – 7 ۇپاي, 97, 15;
11. و.ا. جولداسبەكوۆ اتىنداعى №9 IT-ليتسەي (شىمكەنت) – 6 ۇپاي, 87, 13.

2025 جىلعى مەكتەپ كوماندالارى اراسىنداعى ەلەم چەمپيونى اتاعىن Velammal MHS School (چەنناي, ٷندٸستان) جەڭٸپ الدى. كوماندا مٷشەلەرٸ تاقتا رەتٸ بويىنشا: WFM كيرتي شري رەددي (راپيد رەيتينگ – 1910/كلاسسيكا – 2033), IM س. اسۆات (2369 / 2500), FM دااكشين ارۋن (2021/2274), IM ا.ر. يلامپارتحي (2358/2515) جەنە FM ك.پ. پراناۆ (2090/2276). كاپيتانى – 56 جاستاعى ۆەلاۆان سۋببيا.

 كٷمٸس جٷلدەگەر رفمم (الماتى) كومانداسىن قۇتتىقتايمىز: GM ەدگار مامەدوۆ (2299/2490), FM يمانعالي اقىلباي (2292/2357), WIM زارينا نۇرعاليەۆا (2152/2345), CM ەليحان دەۋلەت (2173/2158), ەدٸجان ەسەنعالي (1989/2071). كوماندا كاپيتانى – 52 جاستاعى سايات ەگەنبەرديەۆ.

جٷلدەلٸ ورىنعا بٸر قادام جەتپەي قالعان رفمم-2 (استانا) كومانداسىنا FM ەرعالي سٷلەيمەننٸڭ (2337) كٶشباسشىلىعى جەتكٸلٸكسٸز بولدى. قۇرامدا: يسلام ايتەن (2045), ۆلاديمير ساۆيتسكيي (1977), ەرنۇر احمەدييار (1802), مادينا مومىن (1792), دٷكەمباەۆا كاميلا (1434). كاپيتانى – بوتاكٶز جولعاسباەۆا.

 SEED Educational Complex (استانا) كومانداسى دا WFM مارييا حولياۆكونىڭ (1987) قاتىسۋىنسىز ەلسٸرەپ قالدى. قۇرامدا: CM دانيس قۋاندىقۇلى (2156), الدييار سايلاۋباي (2011), ارسەن ايتمۇحانوۆ (1762), ايلين زاركىم (1905). كاپيتانى – قۋانىش سٷلەيمەن.

كوماندالىق كٷمٸسپەن قاتار, جەكەلەگەن تاقتالاردا دا ٷش مەدال جەڭٸپ الىندى: يمانعالي اقىلباي 2-شٸ تاقتادا ابسوليۋتتٸ نەتيجە – 8 ۇپايدىڭ 8-ٸن جيناپ, التىن مەدالعا يە بولدى. ەدگار مامەدوۆ پەن زارينا نۇرعاليەۆا 8 پارتييادا 6½ ۇپاي جيناپ, سەيكەسٸنشە 1 جەنە 3-شٸ تاقتالاردا قولا مەدال يەلەندٸ.

 12 جاسار شاحماتشىلاردان قۇرالعان ٷش قازاقستاندىق كوماندانىڭ ٶنەرٸ جايىندا ايتساق, ولار ەلەمنٸڭ مىقتى قارسىلاستارىمەن ويناپ, قۇندى تەجٸريبە جينادى.

 حالىقارالىق مەكتەپ شاحمات فەدەراتسيياسىنىڭ (ISCF) جەنە KazChess/قازاقستان شاحمات فەدەراتسيياسىنىڭ پرەزيدەنتٸ تيمۋر تۋرلوۆ جارىس قورىتىندىسىنا پٸكٸر بٸلدٸردٸ: «قازاقستان ٷشٸن بۇل تۋرنير تەك سپورتتىق دودا عانا ەمەس, بٷكٸل شاحمات قوزعالىسىن دامىتۋ قۇرالى رەتٸندە ماڭىزدى. بٸز جاي عانا قاتىسقان جوقپىز – ونىڭ ۇيىمداستىرىلۋىنا ەلەۋلٸ ٷلەس قوستىق. سوندىقتان جارىستىڭ جوعارى دەڭگەيدە ٶتكەنٸنە ٶتە قۋانىشتىمىز. بٸزدٸڭ جاس شاحماتشىلار ٷشٸن بۇل – باعا جەتپەس تەجٸريبە, ال ەلٸمٸز ٷشٸن – مەكتەپتەردەگٸ جٷيەلٸ جۇمىستىڭ نەتيجەسٸن كٶرسەتەتٸن ايقىن دەلەل. بارلىق مەدالدار – ٷلكەن ەڭبەكتٸڭ, تاباندىلىقتىڭ جەنە ناعىز كوماندالىق رۋحتىڭ جەمٸسٸ. قازاقستاننىڭ اقش-تاعى ەلشٸلٸگٸنە جەنە جەكە ەلشٸ ەرجان اشىقباەۆقا دەلەگاتسييامىزعا قولداۋ بٸلدٸرگەنٸ جەنە شاحماتتىڭ دامۋىنا كٶڭٸل بٶلگەنٸ ٷشٸن العىس ايتامىز. بارلىق قاتىسۋشىلار مەن باپكەرلەردٸ قۇتتىقتايمىن: بٸز سٸزدەرمەن ماقتانامىز جەنە ودان دا بيٸك ماقساتتارعا بٸرگە بەتتەيمٸز!»

ايتا كەتۋ كەرەك, قازاقستان رەسپۋبليكاسىنىڭ اقش-تاعى ەلشٸسٸ ەرجان اشىقباەۆ چەمپيوناتتىڭ سالتاناتتى اشىلۋ رەسٸمٸنە عانا قاتىسىپ قويماي, بٷكٸل تۋرنير بارىسىندا بٸزدٸڭ جاس سپورتشىلارىمىزعا جانكٷيەرلٸك تانىتىپ, ەرەكشە قولداۋ بٸلدٸردٸ.