اقش-تىڭ مەريلەند شتاتىنداعى فەدەرالدىق سوت پرەزيدەنت دونالد ترامپتىڭ ەلدە دٷنيەگە كەلگەن بالالارعا ازاماتتىق بەرۋ تەرتٸبٸن شەكتەيتٸن جاڭا جارلىعىن ۋاقىتشا توقتاتتى, دەپ حابارلايدى dalanews.kz.
جارلىققا سەيكەس, اقش-تا تۋعان كەيبٸر شەتەلدٸك ازاماتتاردىڭ بالالارى اۆتوماتتى تٷردە امەريكا ازاماتتىعىن الا المايتىن ەدٸ. بۇل تالاپ, سونىڭ ٸشٸندە, اقش-قا بالاسىنا ازاماتتىق الۋ ماقساتىمەن كەلگەن شەتەلدٸكتەرگە قاتىستى قولدانىلۋى مٷمكٸن بولاتىن.
الايدا فەدەرالدىق سۋديا دەبورا بوردمان جاڭا ەرەجە اقش كونستيتۋتسيياسىنا قايشى بولۋى مٷمكٸن دەپ مەلٸمدەدٸ.
"جاڭا جارلىق بۇعان دەيٸن سوت قورعاۋىنا العان بالالاردى ازاماتتىق قۇقىعىنان ايىرۋعا باعىتتالعان", - دەدٸ سۋديا.
ونىڭ ايتۋىنشا, اقش كونستيتۋتسيياسىنىڭ 14-تٷزەتۋٸ ەل اۋماعىندا دٷنيەگە كەلگەن بالالارعا اتا-اناسىنىڭ كٶشٸ-قون مەرتەبەسٸنە قاراماستان ازاماتتىق الۋ قۇقىعىن بەرەدٸ. پرەزيدەنتتٸڭ جارلىعى بۇل كونستيتۋتسييالىق كەپٸلدٸكتٸ ٶزگەرتە المايدى.
سوتتىڭ ۋاقىتشا تىيىمى اتالعان ٸس بويىنشا تٷپكٸلٸكتٸ شەشٸم شىعارىلعانعا دەيٸن كٷشٸندە بولادى.
بۇعان دەيٸن اقش جوعارعى سوتى ترامپتىڭ تۋعاننان بەرٸلەتٸن ازاماتتىقتى شەكتەۋگە باعىتتالعان العاشقى باستاماسىن زاڭسىز دەپ تانىعان ەدٸ.
