اقش پەن قىتاي كٶشباسشىلارى سي تسزينپيننٸڭ ۆاشينگتونعا جاساعان مەملەكەتتٸك ساپارى بارىسىندا ٶزارا ساۋدا تاريفتەرٸن جالپى سوماسى 30 ملرد دوللار كٶلەمٸندە تٶمەندەتۋگە كەلٸستٸ, دەپ حابارلايدى dalanews.kz.
قىتاي سىرتقى ٸستەر مينيسترلٸگٸنٸڭ مەلٸمەتٸنشە, سي تسزينپين مەن اقش پرەزيدەنتٸ دونالد ترامپ ەكٸ ەل اراسىنداعى ساۋدا-ەكونوميكالىق كونسۋلتاتسييالار تەتٸگٸنٸڭ جۇمىسىن وڭ باعالاپ, قول جەتكٸزٸلگەن كەلٸسٸمدەردٸڭ ورىندالۋىن قامتاماسىز ەتۋدٸ تاپسىرعان.
Fox News ارناسىنىڭ اق ٷيگە سٸلتەمە جاساپ حابارلاۋىنشا, كەلٸسٸم اقش-تىڭ اۋىل شارۋاشىلىعى ٶنٸمدەرٸ, بالىق جەنە تەڭٸز ٶنٸمدەرٸ, ٶڭدەلمەگەن اعاش, كوسمەتيكا مەن مەديتسينالىق بۇيىمدار ەكسپورتىنا, سونداي-اق قىتايدان ەكەلٸنەتٸن شاعىن تۇرمىستىق تەحنيكا, ويىنشىقتار, مەرەكەلٸك ەشەكەيلەر جەنە بالالارعا ارنالعان اۆتوكرەسلولار يمپورتىنا قاتىستى.
ەسكە سالايىق, 2025 جىلدىڭ اقپانىندا دونالد ترامپ قىتايدان كەلەتٸن بارلىق تاۋارعا 10 پايىزدىق تاريف ەنگٸزگەن بولاتىن. بۇعان جاۋاپ رەتٸندە قىتاي اقش-تىڭ كٶمٸرٸنە, سۇيىتىلعان تابيعي گازىنا, شيكٸ مۇنايىنا جەنە اۆتوموبيلدەرٸنە باج سالىعىن سالدى. 2025 جىلدىڭ سەۋٸرٸندە اقش تاريفتەرٸ 145 پايىزعا دەيٸن كٶتەرٸلسە, قىتاي امەريكالىق تاۋارلارعا سالىناتىن باج مٶلشەرٸن 125 پايىزعا دەيٸن جەتكٸزگەن.
كەيٸنٸرەك, 2025 جىلدىڭ مامىرىندا جەنەۆادا ٶتكەن كەلٸسسٶزدەر بارىسىندا تاراپتار 90 كٷندٸك ساۋدا بٸتٸمٸنە كەلٸپ, اقش تاريفتەرٸن 30 پايىزعا, ال قىتاي تاريفتەرٸن 10 پايىزعا دەيٸن تٶمەندەتكەن ەدٸ. اقش قارجى مينيسترٸ سكوتت بەسسەنت 23 قىركٷيەكتە بۇل ساۋدا كەلٸسٸمٸنٸڭ مەرزٸمٸ 2027 جىلعى 10 قاڭتارعا دەيٸن ۇزارتىلعانىن مەلٸمدەدٸ.
كەلٸسسٶزدەر بارىسىندا ترامپ پەن سي جاساندى ينتەللەكت مەسەلەسٸن دە تالقىلادى. تاراپتار تەحنولوگييانىڭ تەۋەكەلدەرٸ مەن ارتىقشىلىقتارىنا قاتىستى تۇراقتى ديالوگ جٷرگٸزۋگە جەنە جاساندى ينتەللەكتكە بايلانىستى وقيعالاردى تالقىلايتىن ارنايى بايلانىس ارناسىن قۇرۋعا ۋاعدالاستى.
سونىمەن قاتار اقش پەن قىتاي باسشىلارى ازييا-تىنىق مۇحيتى ەكونوميكالىق ىنتىماقتاستىعى ۇيىمىنىڭ (اتەس) بەيرەسمي سامميتٸ مەن G20 كەزدەسۋٸن ٶتكٸزۋگە ٶزارا قولداۋ بٸلدٸرۋگە كەلٸستٸ. ەكٸ ەل كٶشباسشىسى بۇل ٸس-شارالارعا قاتىسۋ نيەتٸن راستادى.
سونداي-اق تاراپتار يراننىڭ يادرولىق باعدارلاماعا قاتىستى حالىقارالىق مٸندەتتەمەلەردٸ ورىنداۋى قاجەت ەكەنٸن اتاپ ٶتٸپ, حالىقارالىق سۋ جولدارى ارقىلى ٶتۋ ٷشٸن ەشبٸر مەملەكەت اقى تالاپ ەتپەۋٸ تيٸس دەگەن ورتاق ۇستانىم بٸلدٸردٸ.
