ا.ع. اجىبايەۆ 1974 جىلى 22 قاڭتاردا الماتى قالاسىندا دۇنيەگە كەلگەن. 1996 جىلى اباي اتىنداعى الماتى مەملەكەتتىك ۋنيۆەرسيتەتىن بىتىرگەن.
1994 جىلعى تامىز ايىنان 1995 جىلعى قىركۇيەك ايىنا دەيىن «ماكس» تەلەراديوكومپانياسىندا راديوجۇرگىزۋشى بولىپ جۇمىس ىستەگەن.
1995 جىلعى قىركۇيەكتەن 1997 جىلعى تامىز ايىنا دەيىن «31 ارنا» تەلەراديوكومپانيادا تەلە-راديوجۇرگىزۋشى بولىپ قىزمەت ەتتى.
1997 جىلعى قىركۇيەك ايىنان باستاپ 1998 جىلعى قىركۇيەك ايىنا دەيىن «تەلەراديوكومپانيا «City» ج ش س باعدارلامالىق ديرەكتورى بولدى.
1999 جىلعى اقپاننان 1999 جىلعى قىركۇيەك ايىنا دەيىن «كاراۆان راديوسىنىڭ» ديرەكتورى. كەيىنىرەك جەكە كاسىپكەرلىكپەن اينالىسقان.
2008 جىلعى اقپان ايىنان باستاپ 2010 جىلعى قاڭتارعا دەيىن «تاڭ» تەلەراديوكومپانياسى» جشس-ىندا باس پروديۋسەر بولىپ ەڭبەك ەتتى.
2009 جىلعى جەلتوقسان ايىنان باستاپ 2012 جىلعى مامىر ايىنا دەيىن – «تەنگري فم» راديوسىنىڭ باس پروديۋسەرى.
2012 جىلعى ماۋسىم ايىنان 2014 جىلعى قاڭتار ايىنا دەيىن «SKYMAX MEDIA» ج ش س باس ديرەكتورى.
2014 جىلدىڭ اقپان ايىنان 2016 جىلدىڭ تامىز ايىنا دەيىن «ايقىن» جانە «ليتەر» قوعامدىق-ساياسي گازەتتەرىنىڭ ديرەكتورى.
مەديانارىقتاعى جۇمىس ءوتىلى – 20 جىل، ونىڭ ىشىندە باسشىلىق قىزمەتتە 10 جىل ەڭبەك ەتكەن.
بىرنەشە رەت جۋرناليستيكا جانە تەلەراديوحابار تاراتۋ بويىنشا ءتۇرلى حالىقارالىق سەمينارلار مەن كورمەلەردىڭ قاتىسۋشىسى بولعان، لانكشير ۋنيۆەرسيتەتىنىڭ (ۇلىبريتانيا) «ب ا ق مەنەدجمەنتى» سەرتيفيكاتىنىڭ يەگەرى.
2016 جىلعى قاڭتار ايىنان قازاقستان رەسپۋبليكاسى سىرتقى ىستەر مينيسترلىگى جانىنداعى قوعامدىق كەڭەستىڭ مۇشەسى بولعان، قازاقستان رەسپۋبليكاسى پرەزيدەنتى العىسىنىڭ يەگەرى، «نۇر وتان» پارتياسىنىڭ مۇشەسى.
باق-تىڭ بارلىق باعىتتارىندا ەتەنە ەڭبەك ەتكەن، تەلە-راديوكومپانيالار جۇمىسىنداعى ستراتەگيالىق تۇجىرىمدامالاردىڭ ازىرلەنۋىنە جانە ىسكە اسىرىلۋىنا تىكەلەي اتسالىسقان تاجىريبەلى مامان.
اقپارات جانە كوممۋنيكاسيالار مينيسترلىگى
