A.Ǵ. Ájibaev 1974 jyly 22 qańtarda Almaty qalasynda dúnıege kelgen. 1996 jyly Abaı atyndaǵy Almaty memlekettik ýnıversıtetin bitirgen.
1994 jylǵy tamyz aıynan 1995 jylǵy qyrkúıek aıyna deıin «Maks» teleradıokompanıasynda radıojúrgizýshi bolyp jumys istegen.
1995 jylǵy qyrkúıekten 1997 jylǵy tamyz aıyna deıin «31 arna» teleradıokompanıada tele-radıojúrgizýshi bolyp qyzmet etti.
1997 jylǵy qyrkúıek aıynan bastap 1998 jylǵy qyrkúıek aıyna deıin «Teleradıokompanıa «City» JSHS baǵdarlamalyq dırektory boldy.
1999 jylǵy aqpannan 1999 jylǵy qyrkúıek aıyna deıin «Karavan radıosynyń» dırektory. Keıinirek jeke kásipkerlikpen aınalysqan.
2008 jylǵy aqpan aıynan bastap 2010 jylǵy qańtarǵa deıin «Tań» Teleradıokompanıasy» JSHS-ynda Bas prodúser bolyp eńbek etti.
2009 jylǵy jeltoqsan aıynan bastap 2012 jylǵy mamyr aıyna deıin – «Tengrı FM» radıosynyń Bas prodúseri.
2012 jylǵy maýsym aıynan 2014 jylǵy qańtar aıyna deıin «SKYMAX MEDIA» JSHS bas dırektory.
2014 jyldyń aqpan aıynan 2016 jyldyń tamyz aıyna deıin «Aıqyn» jáne «Lıter» qoǵamdyq-saıası gazetteriniń dırektory.
Medıanaryqtaǵy jumys ótili – 20 jyl, onyń ishinde basshylyq qyzmette 10 jyl eńbek etken.
Birneshe ret jýrnalısıka jáne teleradıohabar taratý boıynsha túrli halyqaralyq semınarlar men kórmelerdiń qatysýshysy bolǵan, Lankshır Ýnıversıtetiniń (Ulybrıtanıa) «BAQ Menejmenti» sertıfıkatynyń ıegeri.
2016 jylǵy qańtar aıynan Qazaqstan Respýblıkasy Syrtqy ister mınıstrligi janyndaǵy Qoǵamdyq Keńestiń múshesi bolǵan, Qazaqstan Respýblıkasy Prezıdenti alǵysynyń ıegeri, «Nur Otan» partıasynyń múshesi.
BAQ-tyń barlyq baǵyttarynda etene eńbek etken, tele-radıokompanıalar jumysyndaǵy strategıalyq tujyrymdamalardyń ázirlenýine jáne iske asyrylýyna tikeleı atsalysqan tájirıbeli maman.
Aqparat jáne komýnıkasıalar mınıstrligi
