الەۋمەتتىك جەلىدە President جوباسىنىڭ ءجۋرناليسى ءادىل بالتابايەۆ تاعى دا سىننىڭ استىندا قالدى، دەپ حابارلايدى Dalanews.kz.
21 قاڭتاردا پرەزيدەنت كونستيتۋسيالىق رەفورما جونىندەگى كوميسسيانى (كونستيتۋسيالىق كوميسسيا) قۇرۋ تۋرالى جارلىققا قول قويدى. كوميسسيا قۇرامىندا جۋرناليست ءادىل بالتابايەۆ تا بار.
"مەملەكەت باسشىسىنىڭ جارلىعىمەن كونستيتۋسيالىق رەفورما جونىندەگى كوميسسيانىڭ قۇرامىنا كىردىم"، - دەپ جازدى ول جەلىدەگى پاراقشاسىندا.
الايدا ونىڭ بۇل جاڭالىعى جەلى قولدانۋشىلارىنا جاقپاي قالدى. ويتكەنى سىناپ جاتقاندار دا بار.
دەگەنمەن ونىڭ جاقسى جۋرناليست ەكەنىن ايتىپ، اراشا تۇسكەندەر دە تابىلعان:
"جەكە تانىس ەمەسپىن. ءبىراق ماڭىزدى شارالاردان جاقسى رەپورتاج جاساپ جۇرگەن جۋرناليست. بىلەر-بىلمەس مىسقىلداۋ جاقسى نارسە ەمەس"، "بۇل جىگىتتىڭ پرەزيدەنتتىڭ قىزمەتى جونىندە جاساپ جۇرگەن رەپورتاجدارى، ءوزىن ۇستاۋى ۇنايدى! بىرنەشە ءتىلدى مەڭگەرگەن، ساۋاتتى سياقتى كورىندى".
ايتا كەتەيىك، بۇعان دەيىن ءادىل بالتابايەۆ پەن تانىمال پروديۋسەر، اكتەر نۇرلان قويانبايەۆتىڭ اراسىندا داۋ شىعىپ، بۇل جايت قىزۋ تالقىعا ءتۇستى. بۇل داۋ تۋرالى تولىعىراق جازعان ەدىك.
