اقمولا وبلىسىندا كٶكپار ويىنى كەزٸندە اتتان قۇلاعان 14 جاستاعى جاسٶسپٸرٸم قازا تاپتى, دەپ حابارلايدى dalanews.kz "Almaty.tv"-عا سٸلتەمە جاساپ.
قايعىلى وقيعا راحىمجان قوشقارباەۆ اۋىلىندا بولعان. جەرگٸلٸكتٸ تۇرعىنداردىڭ ۇيىمداستىرۋىمەن ٶتكەن كٶكپار بارىسىندا جاسٶسپٸرٸم اتتان قۇلاپ, اۋىر جاراقات العان. ول اۋرۋحاناعا بارا جاتقان جولدا كٶز جۇمعان.
جەرگٸلٸكتٸ ەكٸمدٸك ٶكٸلدەرٸنٸڭ مەلٸمەتٸنشە, اتالعان جارىس رەسمي تٷردە كەلٸسٸلمەگەن جەنە ونى اۋىل تۇرعىندارى ٶز باستامالارىمەن ۇيىمداستىرعان. ال وبلىستىق دەنە شىنىقتىرۋ جەنە سپورت باسقارماسى بۇل شارانىڭ مەملەكەتتٸك سپورت ۇيىمدارىنا قاتىسى جوق ەكەنٸن حابارلادى.
سونداي-اق مارقۇم مەن باسقا دا قاتىسۋشىلاردىڭ ەشقايسىسى رەسمي سپورت سەكتسييالارىندا تٸركەلمەگەنٸ ايتىلدى. ويىن جاتتىعۋ جيىنى اياسىندا ٶتكەن جەكە باستاما رەتٸندە ۇيىمداستىرىلعان.
قازٸرگٸ ۋاقىتتا مارقۇمنىڭ وتباسىنا قاجەتتٸ كٶمەك كٶرسەتٸلۋدە. كەمەلەتكە تولماعان بالانىڭ ٶلٸمٸنە بايلانىستى قىلمىستىق ٸس قوزعالىپ, سوتقا دەيٸنگٸ تەرگەۋ باستالدى.
پوليتسييا قىزمەتكەرلەرٸ وقيعانىڭ بارلىق مەن-جايىن انىقتاۋ جۇمىستارىن جٷرگٸزٸپ جاتىر. تەرگەۋ بارىسىندا جاتتىعۋدى ۇيىمداستىرۋشىلار مەن قاتىسۋشىلاردىڭ قاۋٸپسٸزدٸگٸنە جاۋاپتى تۇلعالاردىڭ ەرەكەتٸنە قۇقىقتىق باعا بەرٸلەتٸن بولادى.
