Aqmola oblysynda kókpar oiyny kezinde attan qulaǵan 14 jastaǵy jasóspirim qaza tapty, dep habarlaidy dalanews.kz "Almaty.tv"-ǵa silteme jasap.
Qaiǵyly oqiǵa Rahymjan Qoshqarbaev aýylynda bolǵan. Jergilikti turǵyndardyń uiymdastyrýymen ótken kókpar barysynda jasóspirim attan qulap, aýyr jaraqat alǵan. Ol aýrýhanaǵa bara jatqan jolda kóz jumǵan.
Jergilikti ákimdik ókilderiniń málimetinshe, atalǵan jarys resmi túrde kelisilmegen jáne ony aýyl turǵyndary óz bastamalarymen uiymdastyrǵan. Al oblystyq dene shynyqtyrý jáne sport basqarmasy bul sharanyń memlekettik sport uiymdaryna qatysy joq ekenin habarlady.
Sondai-aq marqum men basqa da qatysýshylardyń eshqaisysy resmi sport sektsiialarynda tirkelmegeni aityldy. Oiyn jattyǵý jiyny aiasynda ótken jeke bastama retinde uiymdastyrylǵan.
Qazirgi ýaqytta marqumnyń otbasyna qajetti kómek kórsetilýde. Kámeletke tolmaǵan balanyń ólimine bailanysty qylmystyq is qozǵalyp, sotqa deiingi tergeý bastaldy.
Politsiia qyzmetkerleri oqiǵanyń barlyq mán-jaiyn anyqtaý jumystaryn júrgizip jatyr. Tergeý barysynda jattyǵýdy uiymdastyrýshylar men qatysýshylardyń qaýipsizdigine jaýapty tulǵalardyń áreketine quqyqtyq baǵa beriletin bolady.
