پرەمەر-مينيستر ولجاس بەكتەنوۆ ٷيلەردٸ سۋ باسۋىنا بايلانىستى اقمولا وبلىسىنىڭ ەكٸمدٸگٸن سىنعا الدى, دەپ حابارلايدى Dalanews.kz.
ٷكٸمەت باسشىسىنىڭ سٶزٸنشە, ەل بويىنشا سۋ تاسقىنى جاعدايى تۇراقتى. الايدا اقمولا وبلىسىندا جاعداي كٷردەلەنە تٷسكەن, 100-دەن اسا تۇرعىن ٷي سۋ استىندا قالعان. پرەمەر-مينيستردٸڭ ايتۋىنشا, زالالدىڭ الدىن الۋعا بولار ەدٸ.
"سۋ باسۋ سەبەپتەرٸ ەلدٸ مەكەندەردٸ قورعاۋ بويىنشا ينجەنەرلٸك جۇمىستاردىڭ تيٸسٸنشە جٷرگٸزٸلمەۋٸ بولدى. مىسالى ستارىي كولۋتون اۋىلىندا كولۋتون ٶزەنٸن تازارتۋ, جاعالاۋدى نىعايتۋ جەنە تٷبٸن تەرەڭدەتۋ جۇمىستارى تەك 3 شاقىرىم ۋچاسكەدە جٷرگٸزٸلدٸ, بۇل جوبادا 11 شاقىرىم جۇمىس كٶزدەلگەن. سالدارىنان ٶزەن ارناسىنان اسۋىنا بايلانىستى ٷيلەر سۋ استىندا قالدى. سۋ دەڭگەيٸ جوعارى ەمەس, بٸراق ونى دا بولدىرماۋعا بولار ەدٸ", - دەدٸ بەكتەنوۆ.
سونداي-اق, زارداپ شەككەن ەلدٸ مەكەندەردٸڭ قاتارىندا ماكينسك قالاسى دا بار. بەكتەنوۆتٸڭ ايتۋىنشا, جەرگٸلٸكتٸ بيلٸك قالانى سۋ تاسقىنىنان قورعاۋ بويىنشا قاجەت شارالاردى ۋاقتىلى قابىلداماعان.
پرەمەر-مينيستر ٶڭٸردە جىل سايىن سۋ تاسقىنى كەزٸندە سول باياعى ەلدٸ مەكەندەردٸ سۋ باساتىنىن ايتىپ, اقمولا وبلىسىنىڭ ەكٸمٸ مارات احمەتجانوۆقا ەسكەرتۋ جاسادى.
"اقمولا وبلىسىندا قابىلدانىپ جاتقان شارالار تيٸمسٸز. مارات مۇراتۇلى, جوسپارلارىڭىزدى قاراپ شىعىڭىز جەنە بيىل بارلىق قاجەت جۇمىستى ورىنداڭىز. ٷيلەرٸ مەن ۋچاسكەلەرٸن سۋ باسقان ادامدارعا كٶمەكتەسٸڭٸزدەر", - دەپ قورىتىندىلادى بەكتەنوۆ.
بۇعان دەيٸن قانداي جاعداي بولدى?
اقمولا وبلىسىنداعى اۋىلداردا ٷيلەرگە سۋ كٸردٸ. سەبەبٸ ەسٸل ٶزەنٸ ارناسىنان اسىپ كەتتٸ. سونىڭ سالدارىنان اقان قۇرمانوۆ اۋىلىنداعى تٶرت ٷيگە سۋ كٸرٸپ, اۋلاسى مالمانداي سۋ بولدى.
قۇتقارۋشىلار تۇرعىنداردىڭ باسپانالارىن قۇم سالىنعان قاپپەن قورشاپ, كٶشەلەرگە قوسىمشا قورعان جاسادى.
ال استراحان اۋدانىندا تاسقىن سالدارىنان تۇرعىندار قارا تٷنەكتە قالدى.
