اقمولا وبلىسىندا قايتارىلعان اكتيۆتەر ەسەبٸنەن 12 ملرد تەڭگەگە Kokshe Arena كٶپفۋنكتسيونالدى سپورت كەشەنٸ سالىندى, دەپ حابارلايدى Dalanews.kz.
مەملەكەت باسشىسىنىڭ 2025 جىلعى ناۋرىزدا ۇلتتىق قۇرىلتايدىڭ IV وتىرىسىندا بەرگەن تاپسىرماسىن ورىنداۋ اياسىندا كٶكشەتاۋدا Kokshe Arena زاماناۋي كٶپفۋنكتسيونالدى سپورت كەشەنٸنٸڭ اشىلۋى ٶتتٸ. نىسان ارناۋلى مەملەكەتتٸك قور قاراجاتى ەسەبٸنەن تۇرعىزىلدى. بۇل ماقساتقا ٷكٸمەت 12,6 ملرد تەڭگە بٶلدٸ.
عيماراتتىڭ سىيىمدىلىعى شامامەن 1 مىڭ ادامدى قۇرايدى. كەشەندە زاماناۋي مۋلتيمەدييالىق جٷيەلەرٸ بار 650 ورىندىق كٶرەرمەن زالى, ٶرمەلەۋ الاڭى مەن ٶرت-قولدانبالى سپورت تٷرلەرٸنە ارنالعان مۇناراسى بار ەمبەباپ سپورت زالى قاراستىرىلعان. بوكس, كٷرەس, اۋىر اتلەتيكا جەنە كروسسفيت زالدارى سەرتيفيكاتتالعان وليمپيادالىق ستاندارتتاعى قۇرالدارمەن جابدىقتالعان. حالىقتىڭ موبيلدٸلٸگٸ تٶمەن توپتارى ٷشٸن دە بارلىق جاعداي جاسالعان.
ٸرگەلەس اۋماقتا جەڭٸل اتلەتيكا ايماعى, ويىن سپورت تٷرلەرٸ مەن لاقتىرۋ پەندەرٸنە ارنالعان الاڭدار, سونداي-اق دەمالىس ايماقتارى جابدىقتالعان.
سالتاناتتى اشىلۋ رەسٸمٸنە قازاقستان رەسپۋبليكاسىنىڭ باس پروكۋرورى بەرٸك اسىلوۆ, تۋريزم جەنە سپورت مينيسترٸ ەربول مىرزابوسىنوۆ, قارجى مينيسترٸ مەدي تاكيەۆ, اقمولا وبلىسىنىڭ ەكٸمٸ مارات احمەتجانوۆ قاتىستى. ٸس-شارانىڭ قۇرمەتتٸ قوناقتارى World Boxing حالىقارالىق فەدەراتسيياسىنىڭ پرەزيدەنتٸ گەنناديي گولوۆكين, UFC اياسىندا ٶنەر كٶرسەتەتٸن ارالاس جەكپە-جەك شەبەرٸ شاۆكات راحمونوۆ بولدى.
ايتا كەتۋ كەرەك, Kokshe Arena – قايتارىلعان اكتيۆتەر قاراجاتى ەسەبٸنەن سالىنعان ايماقتاعى ەكٸنشٸ سپورتتىق ينفراقۇرىلىم نىسانى. بۇعان دەيٸن وبلىستا زەرەندٸ اۋىلىندا بالالار مەن جاسٶسپٸرٸمدەرگە ارنالعان سپورت مەكتەبٸ اشىلعان بولاتىن.
اقمولا وبلىسىندا ارناۋلى مەملەكەتتٸك قوردىڭ قاراجاتىنا بارلىعى 42 ەلەۋمەتتٸك نىسان, ونىڭ ٸشٸندە 14 دەنساۋلىق ساقتاۋ مەكەمەسٸ, 26 سۋمەن جابدىقتاۋ نىسانى جەنە 2 سپورت مەكەمەسٸنٸڭ قۇرىلىسى جوسپارلانعان.
