اقمولا وبلىسى ماكينسك قالاسىندا ەكى اعايىندى بالا جەتىم رەتىندە باسپانا الۋعا قۇقىلى بولسا دا، 13 جىل بويى زاڭسىز تۇردە كەزەكتەن تىس قالىپ كەلگەن، دەپ حابارلايدى Dalanews.kz.
قولدانىستاعى زاڭناماعا ساي، جەتىم بالالار مەن اتا-اناسىنىڭ قامقورلىعىنسىز قالعاندار تۇرعىن ۇيگە ءبىرىنشى كەزەكتە يە بولۋعا ءتيىس. الايدا جەرگىلىكتى اتقارۋشى ورگاندار بۇل تالاپتى ەسكەرمەي، ەكى اعايىندىنىڭ قۇقىعىن ورەسكەل بۇزعان.
اعايىندى ۆەزدەسكييلەر ماكينسك قالاسىندا 13 جىل بويى تۇرعىن ءۇي كەزەگىندە تۇرعانىمەن، بەلگىسىز سەبەپتەرمەن كەزەكتەن شىعارىلعان. سالدارىنان ولار مەملەكەتتىڭ باسپانا بەرۋ مۇمكىندىگىنەن ايىرىلىپ قالعان.
بۇل ادىلەتسىزدىك بۇلاندى اۋدانى پروكۋراتۋراسىنىڭ ارالاسۋىنان كەيىن عانا جويىلدى. قۇقىق قورعاۋ ورگانى زاڭسىز شەشىمنىڭ كۇشىن جويىپ، بالالاردىڭ قۇقىقتارىن قالپىنا كەلتىردى. ناتيجەسىندە، كوپتەن كۇتكەن قۋانىشتى ءسات ورىن الىپ، اعايىندى جەتىمدەر ءوز ۇيلەرىنە قول جەتكىزدى. اقمولا وبلىسى پروكۋراتۋراسى بۇل تۋرالى رەسمي حابارلاما تاراتتى.
