"وسىدان 8 جىل بۇرىن اقجارقىن تۇرلىبايدىڭ جۇڭگو ساپارىن ۇيىمداستىردى دەپ كۇدىككە ىلىنگەن نيگەريا ازاماتى، "دجونني" لاقاپ اتىمەن تانىمال اديندو نونسو فورچۋن شەت مەملەكەتتىڭ اۋماعىندا قولعا ءتۇستى"، - دەدى ادۆوكات سۇڭقار نۇرماعامبەتوۆ.
2015 جىلى قازاقستاننىڭ ىشكى ىستەر مينيسترلىگى اتالعان ازاماتقا قاتىستى قىلمىستىق ءىس قوزعاعان.
نۇرماعامبەتوۆ تولىعىراق اقپارات الۋ ءۇشىن ق ر ىشكى ىستەر مينيسترلىگىنە ادۆوكاتتىق ساۋال جولداعانىن ايتتى.
قازاقستاندىق ستۋدەنت اقجارقىن تۇرلىباي قىتايدىڭ گۋانچجوۋ قالاسىنىڭ اۋەجايىندا 2014 جىلدىڭ ناۋرىز ايىندا ۇستالدى. ول تانىستارىنىڭ ايتۋى بويىنشا، الماتىدان قىتايعا اتتانعان.
ولار قىزعا گۋانچجوۋدان مالايزياعا برەند كيىمدەرىن تاسىمالداۋىن ءوتىنىپ، سول ءۇشىن قوماقتى قاراجات تولەيمىز دەپ ۋادە ەتكەن. بويجەتكەن گۋانچجوۋ اۋەجايىنان ۇشىپ بارا جاتقاندا ۇستالدى. ونىڭ سومكەسىندە ەسىرتكى تابىلدى. اقجارقىن ەسىرتكى تۋرالى مۇلدە بىلمەيتىنىن مالىمدەدى. ول ءوز كىناسىن مويىندامادى. نيگەريالىق ەسىرتكى ترافيگىن ۇيىمداستىرۋشىلار ءالى ۇستالعان جوق.
2015 جىلدىڭ ماۋسىمىندا گۋاندۋن سوتى قازاقستان ازاماتشاسىن ءومىر بويىنا باس بوستاندىعىنان ايىردى. 2018 جىلى سوت ءىستى قايتا قاراۋعا جىبەردى.
الايدا كەيىنىرەك ونى ءومىر بويىنا باس بوستاندىعىنان ايىرۋ جازاسى تۋرالى سوت ۇكىمى وزگەرىسسىز قالدى. اپپەلياسيالىق ينستانسيا 2020 جىلدىڭ تامىز ايىندا اقجارقىن تۇرلىبايدىڭ ۇكىمىن تاعى دا وزگەرىسسىز قالدىردى.
بۇعان دەيىن باس پروكۋراتۋرانىڭ وكىلى عالىمجان قويگەلدييەۆ
قازاقستاندىق تاراپ تۇرلىبايدى قازاقستانعا اۋىستىرۋعا ءۇمىتىن ۇزبەيتىنىن، ەگەر جۇڭگو سوتى سوتتالۋشىنىڭ جازاسىن قىسقارتىپ، جازانى وتەۋدىڭ ناقتى ۋاقىتىن تاعايىنداسا، ءبارى مۇمكىن ەكەنىن ايتقان.
“قحر-داعى ق ر ەلشىلىگى قولدانىستاعى زاڭعا سايكەس اقجارقىن تۇرلىبايدىڭ جازا مەرزىمىن قىسقارتۋ ۇكىم زاڭدى كۇشىنە ەنگەن ساتتەن 2-3 جىل وتكەننەن كەيىن مۇمكىن بولاتىنىن ايتتى. بۇل ماسەلە تۇراقتى باقىلاۋدا، ا.تۇرلىبايعا قاتىستى جازا جەڭىلدەسە نە جازانىڭ ناقتى مەرزىمى ايتىلسا باس پروكۋراتۋرا ونى قازاقستانعا اۋىستىرۋ تۋرالى قايتادان سۇراۋ سالۋعا باستاماشىلىق جاسايدى”، – دەدى قويگەلدييەۆ.
https://dalanews.kz/sadak/78714-oligarkh-otemuratov-altyn-biznesi-ushi
https://dalanews.kz/del-qazir/78610-akimder-reytingi-bir-gramota-tapsyry
https://dalanews.kz/news/78561-smayylovqa-aytarym-bar-deputat-zhurt
