"Osydan 8 jyl buryn Aqjarqyn Turlybaidyń Qytai saparyn uiymdastyrdy dep kúdikke ilingen Nigeriia azamaty, "Djonni" laqap atymen tanymal Adindo Nonso Forchýn shet memlekettiń aýmaǵynda qolǵa tústi", - dedi advokat Suńqar Nurmaǵambetov.
2015 jyly Qazaqstannyń Ishki ister ministrligi atalǵan azamatqa qatysty qylmystyq is qozǵaǵan.
Nurmaǵambetov tolyǵyraq aqparat alý úshin QR Ishki ister ministrligine advokattyq saýal joldaǵanyn aitty.
Qazaqstandyq stýdent Aqjarqyn Turlybai Qytaidyń Gýanchjoý qalasynyń áýejaiynda 2014 jyldyń naýryz aiynda ustaldy. Ol tanystarynyń aitýy boiynsha, Almatydan Qytaiǵa attanǵan.
Olar qyzǵa Gýanchjoýdan Malaiziiaǵa brend kiimderin tasymaldaýyn ótinip, sol úshin qomaqty qarajat tóleimiz dep ýáde etken. Boijetken Gýanchjoý áýejaiynan ushyp bara jatqanda ustaldy. Onyń sómkesinde esirtki tabyldy. Aqjarqyn esirtki týraly múlde bilmeitinin málimdedi. Ol óz kinásin moiyndamady. Nigeriialyq esirtki trafigin uiymdastyrýshylar áli ustalǵan joq.
2015 jyldyń maýsymynda Gýandýn soty Qazaqstan azamatshasyn ómir boiyna bas bostandyǵynan aiyrdy. 2018 jyly sot isti qaita qaraýǵa jiberdi.
Alaida keiinirek ony ómir boiyna bas bostandyǵynan aiyrý jazasy týraly sot úkimi ózgerissiz qaldy. Appeliatsiialyq instantsiia 2020 jyldyń tamyz aiynda Aqjarqyn Turlybaidyń úkimin taǵy da ózgerissiz qaldyrdy.
Buǵan deiin Bas prokýratýranyń ókili Ǵalymjan Qoigeldiev
qazaqstandyq tarap Turlybaidy Qazaqstanǵa aýystyrýǵa úmitin úzbeitinin, eger Qytai soty sottalýshynyń jazasyn qysqartyp, jazany óteýdiń naqty ýaqytyn taǵaiyndasa, bári múmkin ekenin aitqan.
“QHR-daǵy QR Elshiligi qoldanystaǵy zańǵa sáikes Aqjarqyn Turlybaidyń jaza merzimin qysqartý úkim zańdy kúshine engen sátten 2-3 jyl ótkennen keiin múmkin bolatynyn aitty. Bul másele turaqty baqylaýda, A.Turlybaiǵa qatysty jaza jeńildese ne jazanyń naqty merzimi aitylsa Bas prokýratýra ony Qazaqstanǵa aýystyrý týraly qaitadan suraý salýǵa bastamashylyq jasaidy”, – dedi Qoigeldiev.
https://dalanews.kz/sadak/78714-oligarkh-otemuratov-altyn-biznesi-ushi
https://dalanews.kz/del-qazir/78610-akimder-reytingi-bir-gramota-tapsyry
https://dalanews.kz/news/78561-smayylovqa-aytarym-bar-deputat-zhurt
