قىزدار ۋنيۆەرسيتەتٸندە «جاسىننىڭ وتى جانىمدا» دەگەن اتپەن ەلٸمٸزگە بەلگٸلٸ ايتىسكەر-اقىن, قر جۋرناليستەر وداعى جەنە جازۋشىلار وداعىنىڭ مٷشەسٸ, قر مەدەنيەت قايراتكەرٸ سەرٸك قاليەۆپەن كەزدەسۋ كەشٸ بولىپ ٶتتٸ.
كەشكە ەسترادا جۇلدىزدارى, مەكتەپ وقۋشىلارى, وقۋ ورىننىڭ ستۋدەنتتەرٸ مەن وقىتۋشىلار قاۋىمى قاتىستى. اقىنىن قۇرمەتتەگەن جاستار قارا سٶزدەن قامشى ٶرگەن ايتىسكەر-اقىنىن ەرەكشە ىقىلاس تانىتتى.
dalanews-zhenpi03اقتاڭگەر جاننىڭ شىعارماشىلىعىنا ارنالعان كەشتە اقىننىڭ جٷرەكجاردى جىرلارى وقىلىپ, اقىن سٶزدەرٸنە جازىلعان ەندەر شىرقالدى. اقىننىڭ ٶمٸرٸنەن سىر شەرتەتٸن بەينە فيلم كٶرسەتٸلٸپ, اقسۋاتتا «تۋعان جەرگە تۋىڭدى تٸك» اتتى الامان ايتىستا اسپانبەك شۇعاتاەۆپەن ٶتكەن ايتىستان ٷزٸندٸلەر كٶرسەتٸلدٸ. ەلٸمٸزگە تانىمال ەنشٸ ۇلبولسىن بەلعوزيەۆا اقىن سٶزٸنە جازىلعان «ٷمٸت نۇرى» ەنٸن, دەستٷرلٸ ەنشٸلەر ايبەك قالىباەۆ «يمانىڭ جالعىز جولداسىڭ», مۇقاتاي بايمۇحاممەت «اڭعال دوسىم-اي», تٸلەۋ قۋانباەۆ «اياۋلىم» ەندەرٸن ەۋەلەتە شىرقاسا, قازاق ەستراداسىنىڭ جارىق جۇلدىزى مۇراتبەك سارىباسوۆ «قارا جورعا» ەنٸن ورىنداپ كەش كٶركٸن اشا تٷستٸ. كەشتە م.سارىباسوۆ سونىمەن قاتار, اقىننىڭ سٶزٸنە جازىلعان «دوستارىما» ەنٸن ورىنداپ, جاڭا ەننٸڭ تۇساۋىن كەستٸ. ەنمەن ٶرٸلگەن كەشتە سونداي-اق, «تولاعاي» دراما تەاتر ٷيٸرمەسٸنٸڭ وقۋشىلارى «كٶزايىم», «ۋاقىت كەرۋەنٸ» جىر جيناقتارىن ٶمٸرگە ەكەلگەن اقىننىڭ «شەكەربەك», «باعدارشام», «ەكەمنٸڭ ەرٸ», «ەجەتاي» جەنە ت.ب. ٶلەڭدەرٸن جاتقا وقىپ بەرسە, قىزدار ۋنيۆەرسيتەتٸنٸڭ ستۋدەنتتەرٸ اقىن ٶلەڭدەرٸنەن قۇرالعان پوەزييالىق قويىلىم كٶرسەتتٸ. ٶز كەزەگٸندە كەش يەسٸ سەرٸك قاليەۆ ٶزٸنٸڭ اقىندىعى جايىندا سىرلى ەڭگٸمەلەرٸمەن بٶلٸسٸپ, تىڭدارمانعا سيياسى كەپپەگەن بٸراز ٶلەڭدەرٸن وقىپ بەردٸ. سونىمەن قاتار, «مەنٸڭ تٸلٸم» اتتى تەرمەنٸ ورىنداپ جىردان شاشۋ شاشتى.
سىرلى سۇقباتقا تولى بولعان ەسەرلٸ كەشتە جاستار اقىن ٶمٸرٸ مەن شىعارماشىلىعىمەن, ادامي بولمىسى مەن رۋحاني ەلەمٸمەن جاقىن تانىسا الدى. ٶلەڭ دەسە ٸشكەن اسىن جەرگە قوياتىن جاستار اقىننىڭ جٷرەگٸن جارىپ شىققان جىرلارىن تىڭداپ, اقىن ٶلەڭدەرٸمەن رۋحاني سۋسىنداپ قايتتى. كەش سوڭىنا دەيٸن تاپجىلماي وتىرعاندىعىنان-اق جاس تىڭدارمانداردىڭ قارا ٶلەڭگە دەگەن ماحابباتىن اڭعارۋعا بولادى. كٶپشٸلٸكتٸ ەسٸرەسە, بۇل كەزدەسۋگە اسقان دايىندىقپەن كەلگەن, ۇيىمداستىرۋشىلاق قابٸلەتٸن جوعارى دەڭگەيدە كٶرسەتكەن, رۋحاني كەشتٸ ۇيىمداستىرۋعا مۇرىندىق بولعان ەيگەرٸم تۇراربەكتٸڭ جۇمىسى كٶڭٸلگە جىلىلىق ۇيالاتتى.
تاماشا كەش سوڭىندا قىزدار ۋنيۆەرسيتەتٸنٸڭ قۇرمەتتٸ ۇستازى اعايشا يساعۇلوۆا مەن تەربيە ٸسٸ جٶنٸندەگٸ دەپارتامەنتتٸڭ ديرەكتورى ەلٸبي نەسٸپباەۆ اقىن شىعارماشىلىعىنا ەرەكشە تابىس تٸلەپ, ٶزەكجاردى تٸلەكتەرٸن جاۋدىردى. سىي-سيياپاتتارىن تاپسىرىپ, قۇرمەت كٶرسەتتٸ. اقىن ٶز كەزەگٸندە جينالعان قاۋىمعا ريزاشىلىعىن بٸلدٸرٸپ, ارۋلار ورداسىنا اق تٸلەگٸن ارناپ, ستۋدەنتتەرمەن ەستەلٸككە سۋرەتكە تٷستٸ.
dalanews-zhenpi02سەرٸك قاليەۆ – قازٸرگٸ قازاق پوەزيياسىندا تانىمال اقىنداردىڭ بٸرٸ. قازاق جۇرتىنا العاش رەت ايتىسكەر-اقىن رەتٸندە تانىلعان س.قاليەۆ كٶپتەگەن ايتىستاردىڭ جٷلدەگەرٸ. ونىڭ ٶلەڭدەرٸنە جازىلعان ەندەر جەتەرلٸك. اقىننىڭ ەندەرٸن ەلٸمٸزگە تانىمال ەنشٸلەر ەسكەندٸر حاسانعاليەۆ, توقتار مەن بەيبٸت, گٷلبارشىن تەرگەۋبەكوۆا, ايگٷل يمانباەۆا, گٷلنۇر ٶمٸرباەۆا, گٷلميرا اقٷرپەكوۆا, سەكەن قالىموۆ جەنە ت.ب. ەنشٸلەر ورىنداپ جٷر. ال, اقىننىڭ ٶزٸ شىعارعان تەرمەلەرٸ مەيرامبەك بەسباەۆ, عاني مەتەباەۆ, ەرلان رىسقالي, ەركٸن شٷكٸمانوۆ سىندى ەنشٸلەردٸڭ ورىنداۋىندا حالىققا كەڭٸنەن تارالعان. اقىننىڭ توپتاما ٶلەڭدەرٸ «تولقىنان تولقىن تۋادى», «جاس اقىندار انتولوگيياسى», «الماتىم جٷرەگٸمدە», «التىن بەسٸك – تۋعان جەر», «جىر مارجان» اتتى 10 تومدىق پوەزييا انتولوگيياسىنا ەنگەن. ول «كٶزايىم», «ۋاقىت كەرۋەنٸ» جىر جيناقتارىنىڭ اۆتورى. س.قاليەۆ الاش رۋحىن اسقاقتاتار ٶلەڭدەرٸمەن قاتار ليريكالىق ٶلەڭدەرٸمەن دە وقىرمانىنىڭ جٷرەگٸنەن ورىن العان اقىن. قالامگەر سونىمەن قاتار بالالارعا ارنالعان ٶلەڭدەر جازاتىن اقىن.
«قىزدار ۋنيۆەرسيتەتٸ» مەديا ورتالىعى
