اقىن قۇرماناي باقتيار قىزى ومىردەن ءوتتى، - دەپ حابارلايدى Dalanews.kz ءتىلشىسى.
بۇل تۋرالى پروديۋسەر گۇلزيرا ايداربەكوۆا حابارلادى.
"جانىم قۇرماشىم، ءالى سەنەر ەمەسپىن، جاقسى ادامىم! جانىڭ ءجانناتتا بولسىن! جاقىندا عانا قۇرماشىم تەلەفون سوعىپ، داۋىسى ساڭق ەتە قالدى: گۇلىم مەنىڭ…، ساعان ارناپ جازدىم ۆاتسابىڭدى وقىشى دەپ ، جىبەرىپ ەدى، قوشتاسقىڭ كەلىپ، اي̆تا-اي̆تا ءجۇرسىن دەدىڭ با ەكەن"، - دەپ جازدى ول.
ەسكە سالايىك، بۇعان دەيىن اقىن قۇرماناي باقتيار قىزى اۋىر حالدە جاتقانى حابارلانعان بولاتىن. بۇل تۋرالى ەسترادا ءانشىسى التىناي جورابايەۆا الەۋمەتتىك جەلىدەگى پاراقشاسىندا ءبولىستى.
سونىمەن قاتار، قۇرماناي باقتيار قىزى جەتىنشى رەت وتا جاساتقانىن ايتقان بولاتىن.
"اللانىڭ قۇدىرەتىنىڭ شەكسىزدىگىنە ايقىن كوز جەتكىزگەن سىناق بولدى. 99/1 پايىز سوڭعى ۇمىتپەن جەتىنشى رەت وتا جاسالدى، ءتورت كۇن ءوتۋ كەرەك، سول ۋاقىتتان وتسەك ءبارى ارتتا قالادى دەگەن، دارىگەردىڭ ءسوزىن ەستىگەن دوستار بارلىعىنا دايىن تۇرعان. مىناۋ جارىق دۇنيەنى مەنسىز ەلەستەتە المايتىن جان دوسىمنىڭ ساعىنىپ كورىسكەن قۋانىشى"، - دەپ جازعان ەدى اقىن.
