اتىراۋ وبلىسىندا قايىن جۇرتىن ٶلتٸردٸ دەگەن كٷدٸككە ٸلٸنگەن سۇلتان سەرسەمەليەۆتٸڭ ەيەلٸ اقبايان مۇقانعاليەۆاعا قاتىستى قىلمىستىق قۋدالاۋ توقتاتىلدى, دەپ حابارلايدى dalanews.kz.
اتىراۋ وبلىسى پروكۋرورىنىڭ كٶمەكشٸسٸ جاندار بولاتبەكتٸڭ ايتۋىنشا, تەرگەۋ بارىسىندا اقبايان مۇقانعاليەۆانىڭ كٸسٸ ٶلتٸرۋ دەرەگٸنە قاتىسى بار ەكەنٸ انىقتالماعان.
"ەيەلدٸڭ كٸسٸ ٶلتٸرۋ فاكتٸسٸنە قاتىسى بولماعاندىقتان, وعان قاتىستى قىلمىستىق قۋدالاۋ توقتاتىلدى. ال قىلمىس تۋرالى حابارلاماۋ فاكتٸسٸ بويىنشا بٶلەك ٸس تٸركەلدٸ. دەگەنمەن وعان ەلٸ قۇقىقتىق باعا بەرٸلگەن جوق. اقبايان مۇقانعاليەۆا بۇل ٸس بويىنشا كٷدٸكتٸ دەپ تانىلعان جوق. وعان قاتىستى بۇلتارتپاۋ شاراسى دا قولدانىلماعان", – دەدٸ جاندار بولاتبەك.
بۇعان دەيٸن مۇقانعاليەۆاعا الماتىدا پسيحياترييالىق ساراپتاما جٷرگٸزٸلٸپ جاتقانى حابارلانعان ەدٸ. اتىراۋ وبلىسى پروكۋراتۋراسىنىڭ مەلٸمەتٸنشە, ساراپتاما قورىتىندىسى ەزٸرگە شىقپاعان.
وسىعان بايلانىستى اقبايان مۇقانعاليەۆانىڭ ەرەكەتٸنە قۇقىقتىق باعا ونىڭ پسيحيكالىق جاعدايى تولىق انىقتالعاننان كەيٸن بەرٸلەدٸ.
