قۇرىلتاي ەشقاشان توي تويلايتىن جيىن بولماعاندىعى تاعى دەلەلدەندٸ. ەرتەدە حان ورداسى بولعان سارايشىقتىڭ ٸرگەسٸندەگٸ اتىراۋ وبلىسى قالىڭ قازاقتى تولعاندىرعان, ەلدٸك مەسەلەلەر تالقىعا تٷسكەن ورىنعا اينالدى. ەلەۋمەتتٸك, شارۋاشىلىق, يدەولوگييالىق جەنە باسقا دا سالالارداعى باعدارىمىز ايقىندالىپ, باعىتىمىز جٷيەلەندٸ. ۇلت ۇياسى ۇلىتاۋ جەرٸندە, ودان كەيٸن كيەلٸ تٷركٸستاندا ٶتكەن قۇرىلتايلاردا ەلدٸڭ ساياسي كەلبەتٸنە قاتىستى ماڭىزدى باستامالار تالقىلانسا, ال تاريحي ٶلكە – اتىراۋ الابىندا ٶتٸپ جاتقان باسقوسۋدا جاقسىلىقتىڭ جولى – جاڭارۋ مەن جاڭعىرۋعا قاتىستى جايتتار كٶتەرٸلدٸ.
شىندىعىندا دا, ناعىز دامىعان ەل بولۋ ٷشٸن ەكونوميكالىق ماقسات قويۋ ازدىق ەتەتٸنٸن ۋاقىت ٶزٸ كٶرسەتٸپ وتىر. ەڭ الدىمەن سانا-سەزٸمٸمٸز جاڭعىرۋى قاجەت, حالقىمىزدىڭ دٷنيەتانىمى مەن ٶمٸرلٸك ۇستانىمى ٶزگەرۋٸ تيٸس. جەنە بۇل ٶزگەرٸستەر رۋحاني قۇندىلىقتارعا نەگٸزدەلگەنٸ ابزال. ٷشٸنشٸ وتىرىستىڭ ۇلىق ۇلىستىڭ, كەيٸن قازاق حاندىعىنىڭ ماڭىزدى ەكٸمشٸلٸك جەنە ساۋدا ورتالىعى بولعان جايىق جاعاسىندا ٶتٸپ جاتقانى دا وسى ماقساتتان. مەدەنيەت پەن رۋحانييات, ازاماتتىق قوعام, بٸلٸم-عىلىم جەنە ەلەۋمەتتٸك سالاعا سەرپٸلٸس ەكەلۋدٸڭ جاي-جاپسارى قارالعان العاشقى كٷنٸنەن-اق بۇل وتىرىستىڭ ماڭىزدىلىعى ايقىندالا تٷستٸ. الدىڭعى قۇرىلتايدا كٶتەرٸلگەن دٷنيەلەر تاعى بٸر ەكشەلەنٸپ, ايرىقشا ماڭىزعا يە بولدى. پرەزيدەنتٸمٸز ٶز سٶزٸن «جاڭارۋ مەن جاڭعىرۋ – جاقسىلىققا جول اشادى» دەپ باستاۋى دا قالىڭ قاراشانىڭ ويىن سالماقتاي تٷستٸ. دٸلٸ مەن تٸلٸ, ساناسى مەن رۋحى اداسىپ جٷرگەن جاستارعا اقىل ايتار اعا بۋىننىڭ بٸرٸن-بٸرٸ مويىنداپ, قۇرمەت كٶرسەتە بٸلۋٸ ۇلتىمىزدىڭ ىنتىماق-بەرەكەسٸن ارتتىرا تٷسەرٸ سٶزسٸز ەكەندٸگٸ ايتىلدى. مەملەكەت باسشىسى وسى مەسەلەنٸڭ سەبەبٸن ايتىپ, جٸكتەپ, جٸلٸكتەپ بەردٸ. ەل اعالارىندا اۋىزبٸرشٸلٸك بولسا, ۇرپاقتىڭ بويىندا ەل سٷيسٸنەر كەسەك قاسيەتتەر قالىپتاسارى داۋسىز.
اقان ەبدۋەليەۆ, قازاقستاننىڭ ەڭبەك سٸڭٸرگەن قايراتكەرٸ, جامبىل اتىنداعى قازاق مەملەكەتتٸك اكادەمييالىق فيلارمونيياسىنىڭ ديرەكتورى
