«سايلاۋ قارساڭىندا بارىسوۆ ساياسي ۇپاي جيناۋ ٷشٸن سكلياردى سىنعا الىپ جاتىر» دەپ بۇل ٸسكە بەي-جاي قاراي سالۋعا بولار ەدٸ. بٸراق ولاي ەمەس ەكەنٸ بەلگٸلٸ. بارىسوۆ ٸسكەر ازامات قانا ەمەس, ەلٸمٸزدٸڭ ەنەرگوجٷيەسٸن بٸر كٸسٸدەي بٸلەتٸن بٸلٸكتٸ مامان.
ونىڭ ٶمٸر جولىنا نازار اۋدارعان ادام ەلٸمٸزدە بەرەندٸ كٶلٸكتەر شىعارىپ, ٶرت سالاسىنىڭ الدىن الاتىن جٷيەنٸ ويلاپ تاپقان ايتار ويى بار ازامات ەكەنٸن بايقار ەدٸ. سوندىقتان بارىسوۆ سكليارعا سىن ساداعىن بەكەر باعىتتاپ وتىرعان جوق. دەپۋتاتتىقتان ٷمٸتكەر بارىسوۆ بىلاي دەيدٸ:
– بٷگٸن بٸز ەكٸباستۇز قالاسىندا اپاتتى جاعدايدىڭ قايتالانعانىنا كۋە بولىپ وتىرمىز. بۇدان تٷيٸتكٸلدٸ مەسەلەنٸ جٷيەلٸ شەشۋدٸڭ قاجەت ەكەنٸن بايقاۋعا بولادى. مەنٸڭشە, اپاتتى جاعدايدىڭ قايتالانۋىنا ۆيتسە-پرەمەر رومان سكليار كٸنەلٸ, – دەپ بارىسوۆ ويىن ٸرٸكپەي جايىپ سالىپتى.
سكليار ۆيتسە-پرەمەر بولىپ تاعايىندالعالى بەرٸ ەلٸمٸزدە اپاتتى جاعداي بٸرٸنەن سوڭ بٸرٸ قايتالاندى.
ايتالىق, ارىستاعى وق-دەرٸ قويماسىنداعى جارىلىس, ودان كەيٸن جامبىل وبلىسى, بايزاق اۋدانىنداعى تٶتەنشە وقيعا بەرٸ-بەرٸ ەسٸمٸزدە.
ٶتكەن جىلى پەتروپاۆول قالاسىنداعى جىلۋ ورتالىعىنداعى اپاتتى جاعداي, ودان كەيٸن ەكٸباستۇز بەن ريددەردەگٸ جىلۋ ورتالىقتارىندا ورىن العان جايت.
قايتا ريددەردەگٸ احۋال ٸسكەر ەكٸم دانيال احمەتوۆتىڭ جەدەل ەرەكەت ەتكەنٸنٸڭ ارقاسىندا ۋشىققان جوق. احمەتوۆ وبلىس اۋماعىنداعى ٸرگەلٸ ٶندٸرٸس ورىندارىنداعى رەسۋرستاردى اپاتتى جويۋعا جۇمىلدىرىپ, ريددەردٸ ٷلكەن قاۋٸپ-قاتەردەن ساقتاپ قالدى.
جارىلىس بولىپ, ەسكٸرگەن جىلۋ قازاندىقتارىندا تٶتەنشە جاعداي ورىن السا, سول جەرگە سكلياردىڭ بارىپ, قارا كٶرسەتٸپ قايتاتىنىن بٸلەمٸز.
ٶكٸنٸشكە وراي, ەزٸرشە جىلۋ ورتالىقتارىن جەكەشەلەندٸرٸپ, قالىپتى جۇمىس ٸستەۋٸ ٷشٸن تيٸستٸ قارجات بٶلمەگەن وليگارحتاردى تەزگە سالىپ جۇمىس ٸستەۋگە سكلياردىڭ شاماسى جەتپەۋدە.
سكليار ٶزٸ بٷگٸندە تٶتەنشە وقيعادان كٶز اشپاي وتىرعان پاۆلودار وبلىسىنىڭ تۋماسى. ەكٸباستۇز قالاسىنىڭ ەكٸمدٸگٸندە جاۋاپتى قىزمەتتەر اتقارعانىندا بٸلەمٸز. تٸپتٸ, 2010-2011 جىلدارى پاۆلودار وبلىسى ەكٸمٸنٸڭ بٸرٸنشٸ ورىنباسارى بولىپ, قىزمەت اتقارعان-دى.
سكلياردىڭ جۇمىس تەجٸريبەسٸ مەن ٶمٸر جولىن ٷڭٸلگەن ادام ونىڭ كوممۋنالدىق شارۋاشىلىق, بيزنەس, كٶلٸك-لوگيستيكا سالاسىندا مول تەجٸريبە جيناعان مامان ەكەنٸن بايقار ەدٸ.
سوندىقتان ونىڭ ەلٸمٸزدٸڭ ەنەرگوجٷيەسٸندەگٸ مەسەلەلەردٸڭ تٷيٸنٸن تارقاتۋدا قابٸلەت-قارىمى جەتەتٸنە ەشكٸم كٷدٸك كەلتٸرمەيدٸ. بٸراق جۇمىسىندا نەتيجە جوق. نەگە?
نازارباەۆ دەۋٸرٸندە جەرگٸلٸكتٸ جەردەگٸ تابىستى مەكەمەلەردٸ وتباسىنا جاقىن ادامدار جەكەشەلەندٸرٸپ الىپ, ەلٸ كٷنگە دەيٸن سٷلٸكشە سورىپ كەلەدٸ. ايتالىق, الىسقا بارماي-اق, سكلياردىڭ تۋعان جەرٸ پاۆلودار وبلىسىنداعى كوممۋنالدىق شارۋاشىلىق مەكەمەلەرٸن وليگارح ولەگ كلەبانوۆ باۋىرىنا باسىپ العانىن جۇرت جاقسى بٸلەدٸ.
دەمەك, ەلٸمٸزدٸڭ ەنەرگوجٷيەسٸندە تۋىنداپ جاتقان مەسەلەلەردٸڭ بەرٸ اينالىپ كەلٸپ, وسى كلەبانوۆ سىندى اپاي تٶس وليگارحتارعا بارىپ تٸرەلەتٸنٸن مويىنداۋىمىز كەرەك.
بٸرٸنشٸ كەزەكتە بۇل مەسەلەنٸ بٸز ەمەس, ۆيتسە-پرەمەر سكليار كٶتەرۋٸ كەرەك. ال ەلدٸڭ قامىن ويلايدى دەگەن سكليارىڭىز وليگارح كلەبانوۆتىڭ ايبىن بەتٸنە باسىپ, ەڭگٸمە ايتا الماۋدا.
دەمەك, دەپۋتاتتىققا كانديدات ايبەك بارىسوۆتىڭ ەلٸمٸزدٸڭ ەنەرگوجٷيەسٸندە قايتالانعان اپاتتى جاعدايلار ٷشٸن سكلياردى ايىپتاۋى ٶتە ورىندى.
