انتيكور 2023 جىلدان بەرى ىزدەۋدە جۇرگەن ادامدى ۇستادى، - دەپ حابارلايدى Dalanews.kz.
سىبايلاس جەمقورلىققا قارسى قىزمەت 2023 جىلدان بەرى ىزدەۋدە جۇرگەن ادامدى ۇستادى، كۇدىكتى الماتى قالاسى پد ۋۇي قاماۋعا الىندى. ول بۇرىن سوت ۇكىمىمەن تاركىلەنگەن ءۇش ءۇي مەن ەكى پاتەر تۇرىندەگى مەملەكەتتىك مۇلىكتى جىمقىردى دەگەن كۇدىككە ءىلىندى.
"الاياقتىق الماتى قالاسى بويىنشا اكىمدىك پەن ۇقكد لاۋازىمدى ادامدارىنىڭ قاتىسۋىمەن، باقىلاۋداعى ادامدارعا جالعان تومەن باعامەن جانە بەلگىلەنگەن ساۋدا-ساتتىقسىز جىلجىمايتىن مۇلىكتى ساتۋ جولىمەن جاسالعان. 14 ماۋسىمدا بىشكەك قالاسىندا ۋ. ۇستالعاننان كەيىن ول قىرعىز رەسپۋبليكاسى ءىىم قىزمەتكەرلەرىنە جەڭىلدەتىلگەن راسىمدەر بويىنشا ءوز ەركىمەن وتانىنا ورالۋعا دايىندىعى تۋرالى حابارلادى. سول كۇنى الماتى قالاسى پروكۋراتۋراسىنىڭ ۇيلەستىرۋىمەن سىبايلاس جەمقورلىققا قارسى قىزمەت قىزمەتكەرلەرىنىڭ سۇيەمەلدەۋىمەن ۋ. قىرعىز رەسپۋبليكاسىنىڭ شەكاراسىنان ءوتىپ، الماتى قالاسىنا جەتكىزىلدى"، - دەپ جازىلعان حابارلامادا.
قازىرگى ۋاقىتتا كۇدىكتىگە قاتىستى تەرگەۋ جۇرگىزىلىپ جاتىر. انتيكور باسقا دەرەكتى جاريا ەتپەدى.
