Antikor 2023 jyldan beri izdeýde júrgen adamdy ustady, - dep habarlaidy Dalanews.kz.
Sybailas jemqorlyqqa qarsy qyzmet 2023 jyldan beri izdeýde júrgen adamdy ustady, kúdikti Almaty qalasy PD ÝUI qamaýǵa alyndy. Ol buryn sot úkimimen tárkilengen úsh úi men eki páter túrindegi memlekettik múlikti jymqyrdy degen kúdikke ilindi.
"Alaiaqtyq Almaty qalasy boiynsha ákimdik pen UQKD laýazymdy adamdarynyń qatysýymen, baqylaýdaǵy adamdarǵa jalǵan tómen baǵamen jáne belgilengen saýda-sattyqsyz jyljymaityn múlikti satý jolymen jasalǵan. 14 maýsymda Bishkek qalasynda Ý. ustalǵannan keiin ol Qyrǵyz Respýblikasy IIM qyzmetkerlerine jeńildetilgen rásimder boiynsha óz erkimen Otanyna oralýǵa daiyndyǵy týraly habarlady. Sol kúni Almaty qalasy prokýratýrasynyń úilestirýimen Sybailas jemqorlyqqa qarsy qyzmet qyzmetkerleriniń súiemeldeýimen Ý. Qyrǵyz Respýblikasynyń shekarasynan ótip, Almaty qalasyna jetkizildi", - dep jazylǵan habarlamada.
Qazirgi ýaqytta kúdiktige qatysty tergeý júrgizilip jatyr. Antikor basqa derekti jariia etpedi.
