قازاقستاندا ەنشٸلەر ەندٸ ٶز تۋىندىلارى قايدا قويىلىپ جاتقانىن جەنە اۋدارىلىعان سىياقى سوماسىن ونلاين قاداعالاپ وتىرا الادى. بۇل تۋرالى بٷگٸن پرەمەر-مينيستر ولجاس بەكتەنوۆتىڭ پرەزيدەنتتٸڭ تاپسىرماسىن ورىنداۋ اياسىندا ەدٸلەت ورگاندارىن تسيفرلاندىرۋ مەسەلەلەرٸ بويىنشا ٶتكٸزگەن جيىنى بارىسىندا مەلٸم بولدى, دەپ حابارلايدى Dalanews.kz.
قۇقىقتىق نورمالار بويىنشا شىعارماشىلىق سالاسىندا دا تسيفرلىق شەشٸمدەر ەزٸرلەنۋدە. ەدٸلەت مينيسترلٸگٸ اۆتورلىق قۇقىقتاردى ۇجىمدىق نەگٸزدە باسقارۋ ٷشٸن زيياتكەرلٸك مەنشٸك بويىنشا بٸرىڭعاي تسيفرلىق پلاتفورما قۇرۋ تۋرالى زاڭ جوباسىنا باستاماشىلىق جاسادى. سەرۆيس 2026 جىلى ٸسكە قوسىلادى دەپ جوسپارلانعان.
ەدٸلەت ۆيتسە-مينيسترٸ بوتاگٶز جاقسىلىقوۆانىڭ ايتۋىنشا, ول قۇقىق يەلەرٸنٸڭ اۆتورلىق جەنە ساباقتاس قۇقىقتاردى باسقاراتىن ۇيىمدارمەن ٶزارا ٸس-قيمىلىن ٶزگەرتۋگە ارنالعان. ياعني, قۇرال اۆتورلار مەن كونتەنت جاساۋشىلارعا ونلاين رەجيمدە ٶز تۋىندىلارى قايدا قويىلىپ جاتقانىن, سىياقىلاردىڭ ەسەپتەلۋٸ مەن ونىڭ بٶلٸنٸسٸن باقىلاۋعا, سونداي-اق اشىق ەسەپ الۋعا مٷمكٸندٸك بەرەدٸ.
"بٷگٸندە كٶپتەگەن اۆتورلار, ولاردىڭ مۇراگەرلەرٸ تيٸستٸ سىياقىلار تٶلەنبەيتٸندٸگٸنە كٶپتەپ شاعىمدانادى. تسيفرلىق پلاتفورمانى ەنگٸزۋ, بٸر جاعىنان, اتالعان پروتسەستٸ اۆتوماتتاندىرۋعا جەنە ونى اۆتورلار, ولاردىڭ مۇراگەرلەرٸ ٷشٸن اشىق ەتۋگە مٷمكٸندٸك بەرەدٸ. ولار قانشا رەت, قاي جەردە جەنە قاي شىعارمانىڭ ورىندالعانىن كٶرە الادى . ەكٸنشٸ جاعىنان, دەمحانا, مەيرامحانا يەلەرٸنٸڭ دە مٷددەلەرٸ قورعالادى, ولار قانداي دا بٸر تۋىندىنى قانشا رەت ويناتۋعا بولاتىنىن جەنە قانداي كٶلەمدە سىياقى تٶلەۋ كەرەكتٸگٸن ناقتى بٸلۋٸ كەرەك", - دەيدٸ بوتاگٶز جاقسىلىقوۆا.
ايتا كەتسەك, اتالعان جيىندا ولجاس بەكتەنوۆ تسيفرلاندىرۋ مەن جاساندى ينتەللەكت ەلەمەنتتەرٸن ەنگٸزۋ بارلىق سالانىڭ دامۋ تيٸمدٸلٸگٸن ارتتىرۋدا ماڭىزدى رٶل اتقاراتىنىن اتاپ ٶتتٸ.
"مەملەكەت باسشىسى كٷنٸ كەشە ٸسكە قوسقان سۋپەركومپيۋتەر ەلٸمٸزدەگٸ تسيفرلىق دامۋدىڭ جاڭا پاراعىن اشىپ وتىر. بۇل - ورتالىق ازيياداعى العاشقى سۋپەركومپيۋتەرلٸك كلاستەر, سونداي-اق, ايماقتاعى ەڭ قۋاتتى ەسەپتەپ شىعارۋ قۇرىلعىسى. ونىڭ مٷمكٸندٸكتەرٸ مەملەكەتتٸك ورگاندار, عىلىمي ينستيتۋتتار, جوعارى وقۋ ورىندارى مەن بيزنەس ٷشٸن قولجەتٸمدٸ بولماق. سوندىقتان بارلىق ۆەدومستۆولار وسى باعىتتاعى جۇمىستى جانداندىرۋى تيٸس", — دەدٸ ولجاس بەكتەنوۆ.
