سانالى عۇمىرىن قاسيەتتى ونەرگە ارناپ، حالىقتىڭ العىسىنا بولەنىپ جۇرگەن بەلگىلى ەسترادا ءانشىسى، «قازاقستان رەسپۋبليكاسىنىڭ مادەنيەت قايراتكەرى» گۇلنارا كەڭەسبەك قىزى قازاقستان ەستراداسىنىڭ وركەندەپ، گۇلدەنۋىنە وزىندىك ۇلەسىن قوسىپ كەلە جاتقان كاسىبي ءانشى ءارى تاجىريبەلى پەداگوگ.
بويىنا بىتكەن تالانتىنىڭ ارقاسىندا تالانىنا قاراي ەتكەن ەڭبەگى دە ەش كەتكەن جوق. مەكتەپ ساحناسىنان باستاۋ العان ونەر ورەسىنىڭ بيىگىنە قاراي قاناتى تالماي تەر توگىپ كەلەدى. ونەر ءوز بيىگىنە جەتەلەي ءجۇرىپ، ونى تالاي شىڭ-قۇزداردان قۇلاتسا دا، ءان الەمىنە قايتا شارىقتاۋدان قاناتى ءبىر تالعان ەمەس. بىردە ءانشىنىڭ باعىن ءان اشسا، ەندى بىردە ءاننىڭ باعىن ءانشى اشاتىنىنىڭ ناعىز كەيىپكەرى وسى گۇلنارا كەڭەسبەك قىزى دەسەك تە بولادى.
– بايقوڭىر قالاسىنىڭ 50 جىلدىعىنا وراي ۇيىمداستىرىلعان سالتاناتتى مەرەكەگە كەلگەن ەكى ەل پرەزيدەنتتەرى ۆ. پۋتين مەن ن. نازاربايەۆ الدىندا «مەنىڭ قازاقستانىم» ءانىن ورىنداپ شىعۋ (ول كەزدە جاي عانا ءان بولاتىن) مەنىڭ باقىتىما بۇيىردى، – دەيدى ونەر يەسى. وسى اننەن كەيىن ەلباسى نۇرسۇلتان ءابىش ۇلى ماعان «قازاقستان رەسپۋبليكاسىنىڭ مادەنيەت كايراتكەرى» اتاعىن بەرۋ تۋرالى ۇسىنىس جاساپتى، ال «مەنىڭ قازاقستانىم» ءانى ەلباسىنىڭ رەداكسيالاۋىمەن ءانۇرانعا اينالدى. وسى ورىنداۋدان كەيىن اراعا جارتى جىل سالىپ، كەۋدەمە «قازاقستان رەسپۋبليكاسىنىڭ مادەنيەت قايراتكەرى» بەلگىسىن تاعىپ، اتاق الدىم. بۇل مەنىڭ ونەرگە ارناعان 20 جىل ءومىرىمنىڭ ناتيجەسى دەپ بىلەمىن.
جەتى جاسىمنان باستاپ مەكتەپ ساحناسىندا ءان ايتىپ، بي بيلەي باستادىم. بالا كەزىمدە وسى ونەرىمدى تاپ باسا بىلگەن ومىرىمدەگى ەڭ ءقادىرلى جان، انام ويىنكۇل دۇيسەبەك قىزى ورىندايتىن ءار انىمە جەكە-جەكە كويلەكتەر تىگىپ بەرەتىن. حالىق اندەرىن جاقسى كوردىم. كوڭىلىم قالاعان كەزدە رومانس، كلاسسيكا جانرىنداعى اندەردى دە ءسۇيىپ ورىندايمىن. العاش بىتىرگەن وقۋ ورنىم قىزىلوردا مۋزىكالىق ۋچيليششەسىنىڭ ۆوكال كلاسى بولدى، بۇعان قوسا انامنىڭ كلاۆياتۋرالىق سوپرانا داۋىسى جانىما جىلى اسەر ەتەتىن. انشىلىك ونەر انامنان دارىعان بولۋى كەرەك. ونىڭ ۇستىنە نازىك جاندى ايەل ءۇشىن قىزىعى مەن قيىندىعى بىرگە جۇرەتىن ونەر جولىنا باعىت-باعدار بەرۋشى دە انام بولدى.
كوللەدجدى ءبىتىرىپ، قولىما ديپلوم العاننان كەيىن قىزىلوردا وبلىسىنىڭ تەرەڭوزەك اۋدانىندا بەلگىلى سازگەر رامازان تايمانوۆپەن كاناتتاسىپ، مادەني سالادا بىرگە قىزمەت اتقاردىق. توقسانىنشى جىلدارى بايقوڭىر قالاسىنداعى وفيسەرلەر ءۇيىنىڭ ءونشىسى بولىپ، ەكى ەل اراسىنداعى مادەني بايلانىستى نىعايتۋ جولىندا ەڭبەك ەتتىم، قازاق اندەرى مەكتەبىن قالىپتاستىرىپ، شاكىرت تىربيەلەدىم.
سونداي-اق، بەلگىلى ەسترادا جۇلدىزدارى روزا رىمباسۆا، باقىتجان كاجىمۇقانوۆ، مەرۋەرت تۇسىپبايەۆالارمەن ساحنا تورىنە بىرگە شىققان كەزدەرىم بولدى. ءوزىم كىشكەنتايىنان ءان ايتۋعا دەگەن سۇيىسپەنشىلىگىن وياتىپ، تاربيەلەگەن شاكىرتىم قارماقشىلىق ارداق ىسقاقوۆانىڭ دا ەسىمىن ەرەكشە اتاعىم كەلەدى. ونەردىڭ ورىنە تالپىنعان بابالاۋسا ءانشىنىڭ بولاشاعى جارقىن دەپ ويلايمىن. ونەر جولىنداعى قىزمەتىمدى اتقارا ءجۇرىپ 2005 جىلى الماتىداعى قىزدار پەداگوگيكالىق ينستيتۋتىنىڭ مۋزىكا فاكۋلتەتىن ءبىتىردىم.
بۇگىندە گۇلنارا كەڭەسبەك قىزى ءتورت بالانىڭ اناسى، ونشاقتى نەمەرە ۇلدار مەن مونشاقتى قىزداردىڭ اجەسى اتانىپ وتىرعان بىلىكتى مامان. قۇرالاي، جۇلدىزاي ەسىمدى ەگىز كىزدارى قازانعاپ اتىنداعى مۋزىكالىق كوللەدجىنىڭ بي بولىمىندە ءدارىس الىپ، رەسپۋبليكالىق «سالتانات» مەملەكەتتىك ءان-بي ءانسامبلىنىڭ بەلدى مۇشەلەرى اتانعان. ۇلدارى ەل جاقتا ءبىر-بىر شاڭىراق يەلەرى بولسا، اناسىنىڭ ونەر جولىن جالعاستىرىپ كەلە جاتقان كوزىنىڭ قاراشىعىنداي قوس قارلىعاشى بولاشاكتارىنان ۇلكەن ءۇمىت كۇتتىرەتىن كاسىبي ماماندار.
وسىلايشا بالاپاندارىنىڭ ونەرىن ۇكىلەپ كەلگەن ونەرلى انا بۇگىندە ونەر ورداسى الماتى قالاسىنا قونىس اۋدارعان. گۇلنارا كەڭەسبەك قىزىنىڭ ەندىگى ارمانى قازاقتىڭ ەرتەدەن كەلە جاتقان ءداستۇرلى ونەرىن جاڭعىرتۋ. تاجىريبەلى ۇستاز بالالاردى مەكتەپ قابىرعاسىنان باستاپ ونەرگە ىنتاسىن وياتىپ، ءان ايتۋدا مۋزىكالىق قابىلەتىن قالىپتاستىرۋمەن قاتار، ورتاق تابىسقا قۋانا ءبىلۋ، ەستەتيكالىق تالعام سەزىمدەرىن دامىتۋعا تاربيەلەۋ ءىسىن قولعا الۋ.
دارىندى جاستاردىڭ شىعارماشىلىعىن شىڭداپ، قازاقتىڭ ەرتەدەن كەلە جاتقان ءداستۇرلى ونەرىن جاڭعىرتۋ. وقۋشىلاردىڭ ونەرگە ىنتاسىن وياتىپ، ءان ايتۋدا مۋزىكالىق قابىلەتىن قالىپتاستىرۋمەن قاتار، ورتاق تابىسقا قۋانا ءبىلۋ، ەستەتيكالىق تالعام سەزىمدەرىن دامىتۋعا تاربيەلەۋدە مەكتەپ مۇعالىمدەرىنە باعىت بەرۋ كەرەك دەگەن ۇسىنىسىن بىلدىرۋگە قالاداعى «ۇستازدار ۇيىنە» كەلگەن تاجىريبەلى ۇستازبەن بولعان اڭگىمەمىزدىڭ جاي-جاپسارى وسىلاي بولدى.
ال، مامان تاراپىنان بولعان ۇسىنىستىڭ شەشىمىن شىعارۋدى «ورلەۋ» بىلىكتىلىكتى ارتتىرۋ ۇلتتىق ورتالىعى اكسيونەرلىك قوعامىنىڭ فيليالى الماتى قالاسى بويىنشا پەداگوگيكالىق قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ وقۋ ءبولىمى جانە مونيتورينگتىك قىزمەت ءبولىمى قىزمەتكەرلەرىنىڭ قۇزىرىنا قالدىردىق.
ش. بيتەن
