الماتى وبلىسى اكىمى اپپاراتى باسشىسىنىڭ مىندەتىن اتقارۋشىسى بۇيرىعىمەن امانجول يستولەۋوۆيچ يبراگيموۆ 2025 جىلعى 17 اقپاننان باستاپ الماتى وبلىسى اكىمىنىڭ كەڭەسشىسى لاۋازىمىنا تاعايىندالدى،- دەپ حابارلايدى Dalanews.kz.
امانجول يستولەۋوۆيچ 1968 جىلى تۋىلعان، ءبىلىمى جوعارى، 1995 جىلى ءال-فارابي اتىنداعى قازاق ۇلتتىق ۋنيۆەرسيتەتىن «شىعىستانۋ» ماماندىعى بويىنشا، 2004 جىلى م.تىنىشپايەۆ اتىنداعى قازاق كولىك جانە كوممۋنيكاسيا اكادەمياسىن «ەكونوميكا جانە مەنەدجمەنت» ماماندىعى بويىنشا بىتىرگەن، ەكونوميكا عىلىمدارىنىڭ كانديداتى.
ەڭبەك جولىن 1995 جىلى الماتى تەمىرجولىنىڭ جەتەكشى مامانى قىزمەتىنەن باستاعان.
ءار جىلدارى «قازاق تەمىر جولى» رەسپۋبليكالىق مەملەكەتتىك كاسىپورىنىنىڭ حالىقارالىق باسقارماسىندا، شىڭجاڭ - ۇيعىر اۆتونوميالىق اۋدانى وكىلدىگىنىڭ باسشىسى (قحر)، “قتج” ۇك-نىڭ حالىقارالىق باسقارماسىنىڭ ءبولىم باسشىسى، قحر جانە وڭتۇستىك-شىعىس ازيا (پەكين) وكىلدىگىنىڭ باسشىسى، “قتج” ۇك” پرەزيدەنت كەڭەسشىسى، «قتج ەكسپرەسس” اق-نىڭ پرەزيدەنت كەڭەسشىسى، «كازپوچتا» اق-نىڭ فيليال ديرەكتورى، «كتج ەكسپرەس» اق-نىڭ كونتەينەر تاسىمالداۋ دەپارتامەنتىنىڭ ديرەكتورى، «Eurasia Supply Chain Aktau/Almaty» ج ش س باس ديرەكتورىنىڭ ورىنباسارى لاۋازىمدارىن اتقارعان. 18 جىلداي “قتج” ۇك” اق-نىڭ قحر-عى وكىلدىك جۇمىستارىن باسقارعان.
2024 جىلعى قازان ايىنان قازىرگى ۋاقىتقا دەيىن «TezJet Cargo» جشس-نىڭ باس ديرەكتورى لاۋازىمىندا قىزمەت اتقارعان.
