بٷگٸن «AMANAT» پارتيياسىنىڭ اتقارۋشى حاتشىسى اسحات ورالوۆ ەلوردادا تۇراتىن ارداگەرلەردٸڭ ٷيٸنە باردى. ولاردىڭ اراسىندا پولشا, رۋمىنييا جەنە ۆەنگرييانى ازات ەتۋ ٷشٸن بولعان سوعىسقا قاتىسقان 98 جاستاعى رزاعۇل بايكەشەۆ, بەرلينگە جەتكەن 96 جاستاعى جٷنٸسپەك كەرٸموۆ جەنە مايدانعا ٶز ەركٸمەن اتتانىپ, جەڭٸس كٷنٸن بۋداپەشتتە قارسى العان 97 جاستاعى رايسا سافونيچەۆا بار.
– مەن سوعىسقا 1941 جىلى 7 تامىز كٷنٸ 17 جاسىمدا اتتاندىم. 101-شٸ بريگادانىڭ قۇرامىندا بولدىم. بٸزدٸ 4-5 اي وقىتىپ, بٸردەن مايدانعا جٸبەردٸ. جاسىمىزدىڭ كٸشٸلٸگٸنە قاراماستان, ەرقايسىمىز وتان ٷشٸن جان بەرۋگە دايىن بولدىق, – دەدٸ رزاعۇل بايكەشەۆ.
– ارداگەرلەرٸمٸزدٸڭ ۇلى ەرلٸگٸن ەربٸر قازاقستاندىق قۇرمەتتەپ, ەستە ساقتاۋى كەرەك. بٸزگە اشىق اسپان, بەيبٸت ٶمٸر سىيلاعان ارداگەرلەرٸمٸزدٸڭ ەسٸمدەرٸن ەشقاشان ۇمىتپايمىز. قارتتارعا قامقورلىق كٶرسەتۋ – بٸزدٸڭ ورتاق پارىزىمىز. ولارعا قولداۋ بٸلدٸرۋ ەرقاشان «AMANAT» پارتيياسىنىڭ باستى نازارىندا بولادى. مايدانعا 1,2 ميلليوننان استام قازاقستاندىق اتتانىپ, ونىڭ جارتىسى ٷيلەرٸنە ورالمادى. 9 مامىر – ارداگەرلەرٸمٸزدٸڭ تاريحي ەرلٸگٸ ٷشٸن ماقتانىش جەنە شىنايى قۇرمەت كٷنٸ بولىپ قالا بەرەدٸ, – دەپ اتاپ ٶتتٸ ول.
ايتا كەتەيٸك, «ارداگەرلەردٸ ارداقتايىق» جوباسى اياسىندا مەديتسينالىق-ەلەۋمەتتٸك مەكەمەلەردە تۇراتىن قارتتاردىڭ ٶمٸر سٷرۋ جاعدايىنا مونيتورينگ جٷرگٸزۋ جالعاسۋدا. ەلٸمٸز بويىنشا 45 بەلسەندٸ ۇزاق ٶمٸر سٷرۋ ورتالىعى اشىلىپ, وندا 60 مىڭنان استام قارييا بوس ۋاقىتىن ٶتكٸزەدٸ. قارتتاردىڭ ەلەۋمەتتٸك-تۇرمىستىق جاعدايىنا بايلانىستى 300 مىڭنان استام مەسەلە شەشٸمٸن تاۋىپ, 275 مىڭ ادامعا اتاۋلى كٶمەك كٶرسەتٸلدٸ.
