AMANAT پارتيياسىنىڭ ٶكٸلدەرٸ Biz Birgemiz Qazaqstan قايىرىمدىلىق قورىمەن ەشقانداي بايلانىسى جوق ەكەنٸن رەسمي تٷردە مەلٸمدەدٸ, دەپ حابارلايدى Dalanews.kz.
“بٷگٸندە باق پەن ەلەۋمەتتٸك جەلٸلەردە AMANAT پارتيياسىنىڭ Biz Birgemiz قورىنىڭ جۇمىسىنا قاتىسى بار دەگەن اقپارات تاراپ جاتىر. وسىعان بايلانىستى, AMANAT پارتيياسى Biz Birgemiz قورىنىڭ قۇرىلتايشىسى سانالمايتىنىن (تولىق اتاۋى: “Biz Birgemiz Qazaqstan 2030” قب) جەنە ونىڭ قىزمەتٸنە ەشقانداي قاتىسى جوق ەكەنٸن تٷسٸندٸرە كەتكەنٸمٸز جٶن", – دەدٸ ولار.
پارتييا ٶكٸلدەرٸ Telegram ارناسىندا سۋ تاسقىنى كەزٸندە جاساعان جۇمىستارىنا توقتالىپ ٶتتٸ.
“ايتا كەتەيٸك, بيىل سەۋٸر ايىندا AMANAT پارتيياسىنىڭ "جاستار رۋحى" جاستار قاناتى سۋ تاسقىنى كەزەڭٸندە اپاتتان زارداپ شەككەن تۇرعىندارعا كٶمەك كٶرسەتٸپ, اۋقىمدى جۇمىس جٷرگٸزدٸ. بەلسەندٸلەر مەن ۆولونتەرلەر كٶپتەگەن قايىرىمدىلىق ۇيىمى, سونىڭ ٸشٸندە Biz Birgemiz Qazaqstan 2030 قب قورى جيناعان گۋمانيتارلىق كٶمەكتٸ جەتكٸزۋگە اتسالىستى", - دەلٸنگەن حاباردا.
ايتا كەتەيٸك, Biz Birgemiz قورىندا پەريزات قايراتتان بٶلەك 10 قۇرىلتايشى بار ەكەنٸن Dalanews.kz "ۇلىسمەدياعا" سٸلتەپ حابارلاعان ەدٸ.
رەسمي اشىقدەرەككٶزدەردەگٸ مەلٸمەت بويىنشا, قوردىڭ العاش استانا قالاسىنىڭ ەدٸلەت دەپارتامەنتٸ 2021 جىلى قاراشادا تٸركەگەن. قوردىڭ تولىق اتاۋى – "Biz Birgemiz Qazaqstan 2030" قوعامدىق بٸرلەستٸگٸ.
قوردىڭ قۇرىلتايشىلارىنىڭ تٸزٸمٸندە پەريزات قايراتتىڭ ٶزٸمەن قوسقاندا 10 ادام بار. ولار:
- ماتيۋشەنكو سەرگەي ۆلاديميروۆيچ
- ماعزۇم ارسلانبەك تالعاتۇلى
- تۇرعانباي شادييار دوكتورۇلى
- امانباي ارۋجان ورازبايقىزى
- بولىسوۆ توحتار كوممۋناروۆيچ
- حيسماتۋللين دامير ساكەنوۆيچ
- سەريكجانوۆا ايگەريم تەلجانوۆنا
- سەيتكامال گٷلناز نۇرلانقىزى
- حافيز ايان باۋىرجانۇلى.
تٸزٸمدەگٸ قۇرىلتايشىلاردىڭ بٸرازىنىڭ ەسٸمٸ Amanat پارتيياسىمەن بايلانىستى. مەسەلەن, سەرگەي ماتيۋشەنكو پارتييانىڭ استانا قالاسى بايقوڭىر اۋداندىق فيليالىنىڭ اتقارۋشى حاتشىسى. ەلوردالىق ازاماتتىق اليانستى ديرەكتورى بولعانىن ەلەۋمەتتٸك جەلٸدە جازادى. ٶزٸن جەلٸدە قازاق تٸلٸن بٸلەتٸن ۋكراين دەپ تانىستىرادى.
ماعزۇم ارسلانبەك استانا قالاسى «Amanat» پارتيياسى جانىنداعى «جاستار رۋحى» جق فيليالىنىڭ تٶراعاسى. 2023 جىلعى 29 ناۋرىزدا استانا قالاسى مەسليحاتىنىڭ VIII سايلانىمىنىڭ دەپۋتاتى بولىپ سايلانعان.
بولىسوۆ توحتار كوممۋناروۆيچ اشىق دەرەككٶزدەردە INMODE جەنە CONSULT-INVEST ITIC كومپانيياسىنىڭ جەتەكشٸسٸ رەتٸندە كٶرسەتٸلگەن. ونىڭ سونىمەن بٸرگە, عىلىم جەنە جوعارى بٸلٸم مينيسترٸنٸڭ جاستار ساياساتى جٶنٸندە كەڭەسشٸسٸ ەكەنٸ جازىلعان. 2018-2024 جىلدار ارالىعىندا قازاقستان جاستار كونگرەسٸنٸڭ اتقارۋشى ديرەكتورى بولعان.
سەريكجانوۆا ايگەريم تەلجانوۆنا Amanat پارتيياسى جانىنداعى "جاستار رۋحى "جاستار قاناتى" قوعامدىق بٸرلەستٸگٸنٸڭ استانا قالالىق فيليالىنىڭ بۇرىنعى قۇرىلتايشىسى جەنە SAT MEDIA كومپانيياسىنىڭ باسشىسى.
حافيز ايان باۋىرجانۇلى – Amanat پارتيياسى جانىنداعى "جاستار رۋحى" جاستار قاناتى " قوعامدىق بٸرلەستٸگٸنٸڭ استانا قالالىق فيليالىنىڭ بۇرىنعى قۇرىلتايشىسى. تٸزٸمدەگٸ باسقا قۇرىلتايشىلار جٶنٸندە اشىق اقپارات كٶزدەرٸندە مەلٸمەت تابىلمادى.
ەسكە سالايىق, كٷنٸ كەشە قارجىلىق مونيتورينگ اگەنتتٸگٸ ەرٸكتٸلەر قوزعالىسىنىڭ بەلسەندٸسٸ جەنە قوعامدىق قايىرىمدىلىق قورىنىڭ قۇرىلتايشىسى پەريزات قايراتقا قاتىستى تەرگەۋ جٷرگٸزٸلٸپ جاتقانىن حابارلاعان بولاتىن.
ول كٶكتەمگٸ سۋ تاسقىنىنان زارداپ شەككەن ازاماتتارعا كٶمەكتەسۋ ٷشٸن جينالعان 1,5 ملرد تەڭگەدەن استام قاراجاتتى جىمقىردى دەپ كٷدٸكتەلۋدە.
قايىرىمدىلىقتىڭ نەگٸزگٸ بٶلٸگٸ قىمبات سەن بۇيىمدارى مەن جىلجىمايتىن مٷلٸكتٸ ساتىپ الۋ ماقساتىنا پايدالانىلدى.
بيىل كٶكتەمدە ول ەلورداداعى اۆتوسالونداردا 88 ملن تەڭگەگە "Mercedes-Benz S450", 80 ملن تەڭگەگە "Lexus LX-600" جەنە 39 ملن تەڭگەگە "Haval" اۆتوكٶلٸكتەرٸن ساتىپ الدى.
وسى كەزەڭدە ول جالپى سوماسى 600 ملن تەڭگەنٸ قۇرايتىن ەلوردانىڭ پرەميۋم ساناتتاعى "Akbulak Riviera", "Highvill Ishim Gold", "كٶك جايلاۋ" تك (تۇراق ورىندارىن قوسا العاندا), سونداي-اق "Vela Village" كوتتەدج قالاشىعىندا جىلجىمايتىن مٷلٸك نىساندارىن ساتىپ الدى.
سونىمەن قاتار, قازاقستاندىقتاردىڭ قايىرىمدىلىققا جٸبەرگەن قاراجات ەسەبٸنەن پەريزات ق. دۋباي, دوحا, لوندون جەنە ستامبۋلداعى «St. Regis», «Shangri-La», «Palazzo Versace» جەنە «Kempinski» سيياقتى بەس جۇلدىزدى قوناق ٷيلەردە دەمالعان.
بۇل ەلدەردە ول "Cartier" جەنە "Louis Vuitton" سيياقتى برەندتەردٸڭ قىمبات اكسەسسۋارلارى مەن زەرگەرلٸك بۇيىمداردى ساتىپ الىپ, فەشەنەبەلدٸ مەيرامحانالارعا بارىپ, ياحتالاردى جالداعان.
قىلمىستىق سحەمانى جٷزەگە اسىرۋ ٷشٸن دوستارى مەن تۋىستارىنا 8% سىياقى بەرٸپ, قوردىڭ اقشاسى قولما-قول اقشاعا اينالدىرىپ وتىرعان.
وسىلايشا, پەريزات ق. ٶزٸنٸڭ زاڭسىز ەرەكەتتەرٸمەن ەرٸكتٸلەر قوزعالىسىنىڭ بەدەلٸنە نۇقسان كەلتٸرٸپ, ونىڭ اشىقتىق پەن ادالدىق پرينتسيپتەرٸنە كٷمەن كەلتٸردٸ جەنە حالىقتىڭ سەنٸپ تاپسىرعان قاراجاتىن تالان-تاراجعا سالعان.
